ଦେଶରେ ୮୯ ଲକ୍ଷ ଟପିଲା କରୋନା ସଂକ୍ରମଣ… ଦିଲ୍ଲୀରେ କରୋନା ଆତଙ୍କ, ନୋଏଡା ସୀମାରେ ଟେଷ୍ଟ୍
ନୂଆଦିଲ୍ଲୀ: ଦେଶରେ ଦିନକରେ ୩୮ହଜାର ୬୧୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଏବଂ ୪୭୪ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୮୯ଲକ୍ଷ ଟପିଥିବା ବେଳେ ମୃତ୍ୟୁସଂଖ୍ୟା ଲକ୍ଷେ ୩୦ହଜାର ୯୯୩ରେ ପହଞ୍ଚିଛି । ମୋଟ୍ ଆକ୍ଟିଭ କେସ୍ ୪ଲକ୍ଷ ୪୬ହଜାର ୮୦୫ ଥିବା ବେଲେ କରୋନାରୁ ସୁସ୍ଥ ହୋଇଛନ୍ତି ୮୩ଲକ୍ଷ ୩୫ହଜାର ୧୧୦ଜଣ ଆକ୍ରାନ୍ତ ।
ମହାରାଷ୍ଟ୍ରରେ ୧୭ଲକ୍ଷ ଟପିଲାଣି କରୋନା ଆକ୍ରାନ୍ତଙ୍କ ସଂଖ୍ୟା ଏବଂ ମୃତ୍ୟୁସଂଖ୍ୟା ୪୬ହଜରା ପାର । ଦୈନିକ ସଂକ୍ରମଣରେ ଦିଲ୍ଲୀ ଆଗରେ ରହିଛି । ଦିନକରେ କେରଳରୁ ୫ହଜଦାର ୭୯୨ଜଣ ସଂକ୍ରମିତ ହୋଇଛନ୍ତି । ସେପଟେ ଦିଲ୍ଲୀକୁ ଡରାଉଛି କରୋନା ସଂକ୍ରମଣ । ଦିନକରେ ୬ହଜାରରୁ ଅଧିକ ସଂକ୍ରମିତ ହୋଇଛନ୍ତି । ୪୨ ହଜାର ଉପରେ ରହିଛି ଆକ୍ଟିଭ୍ କେସ୍ ।
ଟେଷ୍ଟିଂ ବଢାଇବା ସହ କଣ୍ଟେନମେଣ୍ଟ ଜୋନ୍ରେ ହେବ ଡୋର୍ ଟୁ ଡୋର୍ ସର୍ଭେ କରାଯିବ । ସେହିପରି ଲକ୍ଷଣ ନଥିବା ଆକ୍ରାନ୍ତଙ୍କର ପ୍ରତି ୫ ଦିନରେ ଥରେ ଟେଷ୍ଟ କରାଯିବ । ପ୍ରଭାବିତ ଅଞ୍ଚଳକୁ ଅସ୍ଥାୟୀ ଭାବେ ସିଲ୍ କରିବା ନେଇ କେନ୍ଦ୍ରକୁ ପ୍ରସ୍ତାବ ଦେଇଛନ୍ତି ଦିଲ୍ଲୀ ସରକାର । ଆଜିଠୁ ଦିଲ୍ଲୀରୁ ନୋଏଡା ଆସୁଥିବା ଲୋକଙ୍କ ପରୀକ୍ଷା କରାଯାଉଛି ।
