ସୁଧୁରୁନି ଚୀନ୍, LAC ଭଳି ସ୍ଥିତି ଏବେ ଡୋକଲାମ୍ରେ ସୃଷ୍ଟି କରିବାକୁ ଚେଷ୍ଟା କରୁଛି…
ଲଦାଖ ପରେ ଏବେ ଡୋକଲାମ୍ରେ ଉତ୍ପାତ ହେଲାଣି ଚୀନ୍ । ଲଦାଖ ଏଲ୍ଏସିରେ ବିବାଦ ଟିକେ ଥମିବାକୁ ବସିଥିବା ବେଳେ ଏବେ ପୁଣି ଡୋକଲାମ୍ରେ ଉତ୍ପାତ ଆରମ୍ଭ କରିଛି ଚୀନ୍ । ଏଲଏସି ଭଳି ଡୋକଲାମ୍ରେ ମଧ୍ୟ ଚୀନ୍ ନିଜର ଚାଲ୍ ଖେଳିବା ଆରମ୍ଭ କରିଛି ।
ଏକ ବିଶ୍ୱସ୍ଥ ସୂତ୍ରରୁ ମିଳିଥିବା ରିପୋର୍ଟ ଅନୁଯାୟୀ ଭୁଟାନ୍ ଓ ଭାରତର ସିକ୍କିମ୍ ସୀମାରେ ୨୦୧୭ ଭଳି ଉତ୍ତେଜନା ମୂଳକ ପରିସ୍ଥିତି ସୃଷ୍ଟି କରିବାକୁ ଚେଷ୍ଟା କରୁଛି ଚୀନ୍ । ସରକାରୀ ରଣନୀତିଜ୍ଞଙ୍କ କହିବାନୁଯାୟୀ ପୂର୍ବ ଲଦାଖର ତିନୋଟି ସ୍ଥାନରେ ପଛକୁ ଫେରିବାକୁ ରାଜି ହୋଇଥିଲେ ମଧ୍ୟ ଚୀନ୍ ପୁଣି ଭାରତର ଟେନ୍ସନ୍ ବଢ଼ାଇଛି । ତେଣୁ ସାମରିକ ଏବଂ କୂଟନୈତିକ ସ୍ତରରେ ଡୋକଲାମର ସ୍ଥିତି ଉପରେ ତୀକ୍ଷ୍ଣ ନଜର ରଖାଯାଉଛି ।
ଉଚ୍ଚ ପଦସ୍ଥ ସରକାରୀ ସୂତ୍ର ଅନୁଯାୟୀ, ନେପାଳ ଭଳି ଭୁଟାନକୁ ମଧ୍ୟ ଚୀନ୍ ବିବାଦକୁ ଟାଣିବାକୁ ଚେଷ୍ଟା କରୁଛି । ୨୦୧୭ରେ ଭୁଟାନ ଏବଂ ଭାରତର ଟ୍ରାଇଜଙ୍କ୍ସନ୍ରେ ସମ୍ବେଦନଶୀଳ ସ୍ଥାନ ଡୋକାଲାମରେ ଚାଇନା ପ୍ରବେଶ କରି ୭୩ ଦିନ ପର୍ଯ୍ୟନ୍ତ ସ୍ଥିତି ଅସମ୍ଭାଳ କରିଥିଲା । ସେହି ସମୟରେ ଭୁଟାନ ସହ ଲାଗିରହିଥିବା ଅନ୍ତର୍ଜାତୀୟ ସୀମାରେ ଭାରତ ଦୃଢ଼ ଭାବେ ଭୁଟାନ ସପକ୍ଷରେ ଡିଆ ହୋଇଥିଲା ।
ଯାହାଫଳରେ ଚାଇନାକୁ ସେଠାରୁ ହଟିବାକୁ ବାଧ୍ୟ ହୋଇଥିଲା । ଏଥର ଚୀନ୍ ଏକ ନୂଆ ଚାଲ୍ ଖେଳିବା ସହ ନେପାଳର ଲାଇନ୍ରେ ଭାରତ ଏବଂ ଭୁଟାନ ମଧ୍ୟରେ ତିକ୍ତତା ସୃଷ୍ଟି କରିପାରେ ।
