ଲକଡାଉନରେ ଭରିଛନ୍ତି କି EMI ? ଆପଣଙ୍କ ଖାତାକୁ ଫେରିବ ଟଙ୍କା…

1 min read
RTGS Money Transfer To Available 24 Hour From Midnight

ନୂଆଦିଲ୍ଲୀ: ଆପଣ ଲକଡାଉନରେ ଲୋନ୍ ମୋରେଟୋରିୟମ୍ ସୁବିଧା ନେଇନାହାଁନ୍ତି ଏବଂ ସମସ୍ତ କିସ୍ତି ଦେଇଛନ୍ତି । ତାହାଲେ ଦୀପାବଳି ପୂର୍ବରୁ ଆପଣଙ୍କ ଖାତାକୁ ସରକାର ଟଙ୍କା ପଠାଇବେ । ଲକଡାଉନ ସମୟରେ ନିର୍ଦ୍ଧାରିତ ସମୟ ସୀମାରେ କିସ୍ତି ଭରିଥିବା ଲୋକଙ୍କୁ କେନ୍ଦ୍ର ସରକାରଙ୍କ ପକ୍ଷରୁ ଏହି ଅଫର ମିଳିବ । କେନ୍ଦ୍ର ସରକାର ଲୋନ୍ ମୋରାଟୋରିୟମ୍ ସୁଧ ଉପରେ ସୁଧକୁ ନେଇ ନିଆଯାଇଥିବା ନିଷ୍ପତ୍ତି ବିଷୟରେ ସୂଚନା ଦେଇଛନ୍ତି । ମୋଦି ସରକାରଙ୍କ ଘୋଷଣା ନେଇ ସୂଚନା ଦେଇଛନ୍ତି କେନ୍ଦ୍ର ମନ୍ତ୍ରୀ ପ୍ରକାଶ ଜାଭେଦକର । ଯେଉଁମାନେ ସମୟରେ EMI ଭରିଛନ୍ତି, ସେମାନଙ୍କୁ ସୁଧ ଉପରେ ସୁଧ ହିସାବରେ ଅର୍ଥ ଫେରସ୍ତ କରାଯିବ । ଆଉ ଯେଉଁମାନେ ସମୟରେ ମାସିକ କିସ୍ତି ଭରି ନାହାଁନ୍ତି ସେମାନଙ୍କ ସୁଧ ସରକାର ଭରଣା କରିବେ ।

If You Paid EMI On Time During The Lockdown Then Government Will Give You Cashback Facility

କାହାକୁ ମିଳିବ କ୍ୟାଶବ୍ୟାକ ?

ସରକାରଙ୍କ ଅନୁସାରେ ଲୋନ୍ ନେଇଥିବା ଯେଉଁ ଗ୍ରାହକ ମୋରେଟୋରିୟମ୍ ବ୍ୟବସ୍ଥାର ଲାଭ ନେଇନାହାଁନ୍ତି ଏବଂ ସମୟରେ ମାସିକ କିସ୍ତି ଦେଇଛନ୍ତି । ସେମାନଙ୍କୁ କ୍ୟାଶବ୍ୟାକ ମିଳିବ । ଏହି ଯୋଜନା ପ୍ରକାରେ ଋଣ ନେଇଥିବା ଲୋକଙ୍କୁ ୬ ମାସର ସାଧାରଣ ଓ କମ୍ପାଉଣ୍ଡ ଇଣ୍ଟ୍ରେଷ୍ଟ ମଧ୍ୟରେ ବ୍ୟବଧ୍ୟାନରେ ଲାଭ ମିଳିବ ।

ଜାଭେଦକରଙ୍କ ଟ୍ୱିଟ୍

କେନ୍ଦ୍ର ମନ୍ତ୍ରୀ ପ୍ରକାଶ ଜାଭେଦକର ଟ୍ୱିଟ୍ କରି ଏ ସମ୍ପର୍କରେ ସୂଚନା ଦେଇଛନ୍ତି । ଯେଉଁମାନେ ସମୟରେ EMI ଦେଇଛନ୍ତି । ସେମାନଙ୍କୁ ସୁଧର ସୁଧ ହିସାବରେ କ୍ୟାଶବ୍ୟାକ ମିଳିବ । ଏହାବାଦ୍ ଯେଉଁମାନେ ସମୟରେ ମାସିକ କିସ୍ତି ଦେଇନାହାଁନ୍ତି ସେମାନଙ୍କ ସୁଧ ଉପରେ ସୁଧ ସରକାର ଦେବେ ।

ସମସ୍ତ ପ୍ରକାର ଋଣକାରୀଙ୍କୁ ମିଳିବ ଲାଭ

ଏହି ଯୋଜନା ପ୍ରକାରେ ଗୃହଋଣ, ଶିକ୍ଷା ଋଣ, କ୍ରେଡିଟ୍ କାର୍ଡ ବାକି, ଗାଡ଼ି ଋଣ, MSME ଋଣ, ଘରଉପକରଣ ଋଣକାରୀ ଲାଭ ପାଇବେ ।

୬ ମାସର ଲୋନ୍ ମୋରେଟୋରିୟମ୍

କରୋନା ମହାମାରୀ ସମୟରେ ଆରବିଆଇ ଗ୍ରାହକଙ୍କୁ ୬ ମାସ ପାଇଁ ଲୋନ୍ ମୋରେଟୋରିୟମ୍ ସୁବିଧା ଦେଇଥିଲା । ମହାମାରୀ ସମୟରେ ମାସିକ କିସ୍ତି ଦେବାରେ ଅସମର୍ଥ ଥିହା ଲୋକ ଲୋନ୍ ମୋରେଟୋରିୟମ୍ ସୁବିଧା ନେଇଥିଲେ ।

If You Paid EMI On Time During The Lockdown Then Government Will Give You Cashback Facility

ଅଗଷ୍ଟ ଯାଏଁ ଲାଭ

ମାର୍ଚ୍ଚ ୧ରୁ ନେଇ ଅଗଷ୍ଟ ୩୧ ତାରିଖ ଯାଏଁ ଗ୍ରାହକଙ୍କୁ ଲୋନ୍ ମୋରେଟୋରିୟମ୍ ସୁବିଧା ଦିଆଯାଇଥିଲା । ଏହାଦ୍ୱାରା ମୋରେଟୋରିୟମ୍ ପିରିୟଡରେ ସୁଧ ଉପରେ ସୁଧକୁ ନେଇ ମାମଲା ସୁପ୍ରିମକୋର୍ଟରେ ପହଞ୍ଚିଥିଲା । ସରକାର କହିଥିଲେ ଋଣକାରୀଙ୍କୁ ସୁଧ ଉପରେ ସୁଧ ଦେବା ଆବଶ୍ୟକ ନାହିଁ । ଏହାଦ୍ୱାରା ରାଜକୋଷ ଉପରେ ପ୍ରାୟ ୭୦୦୦ କୋଟି ଟଙ୍କାର ଅତିରିକ୍ତ ବୋଝ ପଡ଼ିବ ।

ସୁଧ ଉପରେ ସୁଧରୁ ମୁକ୍ତି

୨ କୋଟି ଟଙ୍କା ଯାଏଁ ଋଣ ନେଇଥିବା ଗ୍ରାହକଙ୍କୁ ସରକାର ଲୋନ୍ ମୋରେଟୋରିୟମର ସୁବିଧା ଦେଇଥିଲେ । ସରକାରଙ୍କ ଅନୁସାରେ ୬ ମାସର ଲୋନ୍ ମୋରେଟୋରିୟମ୍ ସମୟରେ ୨ କୋଟି ଟଙ୍କା ଯାଏଁ ଋଣ ନେଇଥିବା ଗ୍ରାହକଙ୍କୁ ସୁଧ ଉପରେ ସୁଧ ଦେବାକୁ ପଡ଼ିବ ନାହିଁ ।

Leave a Reply