ସିକ୍ୟୁରିଟିଗାର୍ଡଙ୍କ ଠାରୁ ପାଇଥିଲେ ପ୍ରେରଣା: ୧୫ ହଜାରରୁ ଊର୍ଦ୍ଧ୍ୱ ଲୋକଙ୍କୁ ଯୋଗାଇଛନ୍ତି ରାସନ ସାମଗ୍ରୀ

ହାଇଦ୍ରାବାଦ: କରୋନା କାଳରେ ବହୁ ଲୋକଙ୍କ ପାଇଁ ୨ ଓଳା ଖାଇବା ଯୋଗାଡ଼ କରିବା କଷ୍ଟ ହୋଇପଡ଼ିଥିଲା । କିନ୍ତୁ ଏହି ସମୟରେ ବହୁ ସାମାଜିକ ସଂଗଠନ ଏବଂ ବଦାନ୍ୟ ବ୍ୟକ୍ତି  ଅସହାୟଙ୍କୁ ସହାୟତାର ହାତ ବଢ଼ାଇଥିଲେ । ଯେଉଁମାନଙ୍କ ମଧ୍ୟରୁ ଜଣେ ଥିଲେ ହାଇଦ୍ରାବାଦର ରାମୁ ଦୋଷାପତି । ଯିଏ ଗରିବ ଓ ଅସହାୟଙ୍କ ସହାୟତା ପାଇଁ ରାଇସ୍ ଏଟିଏମ୍ ଆରମ୍ଭ କରିଥିଲେ । ଲୋକଙ୍କୁ ଆବଶ୍ୟକ ରୋଷେଇ ସାମଗ୍ରୀ ଯୋଗାଇଦେଇଥିଲେ ।

Image

            ରାମୁଙ୍କ ଦ୍ୱାରା ଖୋଲାଯାଇଥିବା ରାଇସ୍ ଏଟିଏମ୍ ୨୪ ଘଣ୍ଟା ଖୋଲାରହୁଥିଲା । ଏହା ସତ୍ତ୍ୱେ ଯଦି କେହି ଚାହିଁଲେ ଏଲବି ନଗର ସ୍ଥିତ ତାଙ୍କ ଘରକୁ ଯାଇ ମଧ୍ୟ ଆବଶ୍ୟକ ରାସନ ସାମଗ୍ରୀ ନେଇପାରୁଥିଲେ । ସେ ଗତ ୧୭୦ ଦିନ ହେଲା ଗରିବ ଲୋକଙ୍କୁ ରାସନ କିଟ୍‌ ବଣ୍ଟନ କରୁଛନ୍ତି । ତାଙ୍କ ଘର ସାମ୍ନାରେ ଥିବା ତେଜରାତି ଦୋକାନରେ  ଚାଉଳ ନେବା ଲାଗି ମହିଳା ଓ ପୁରୁଷଙ୍କ ଲମ୍ୱା ଲାଇନ ଲଗିଥାଏ । ସେମାନଙ୍କୁ ସହାଯ୍ୟ କରିବା ଲାଗି ଇତିମଧ୍ୟରେ ସେ ତାଙ୍କ ବ୍ୟକ୍ତିଗତ ଜମା ପୁଞ୍ଜିରୁ ୫ ଲକ୍ଷ ଟଙ୍କା ମଧ୍ୟ ଖର୍ଚ୍ଚ କରିସାରିଲେଣି । ଏହି ଅର୍ଥରେ ସେ ପାଖାପାଖି ୧୫ ହଜାର ଲୋକଙ୍କୁ ସହାଯ୍ୟ କରିପାରିଛନ୍ତି । ତେବେ ଖୁସିର କଥା ଏହା ଯେ, ତାଙ୍କ କାର୍ଯ୍ୟ ଦେଖି ଅନ୍ୟ କିଛି ଲୋକଙ୍କ ମଧ୍ୟ ପ୍ରେରଣା ପାଇଥିଲେ । ଏହି କାର୍ଯ୍ୟ କରିବା ଲାଗି ଅନ୍ୟ କିଛି ବଦାନ୍ୟ ବ୍ୟକ୍ତି ମଧ୍ୟ ରାମୁଙ୍କୁ ସାହାଯ୍ୟ କରିଥିଲେ ।

Image

 ରିପୋର୍ଟ ମୁତାବକ ରାମୁ ଜଣେ ସିକ୍ୟୁରିଟିଗାର୍ଡଙ୍କୁ ଭୋକିଲା ଲୋକଙ୍କ ସାହାଯ୍ୟ କରିବା ନେଇ ୨ ହଜାର ଟଙ୍କା ଖର୍ଚ୍ଚ କରୁଥିବା ଦେଖିଥିଲେ । ସେତେବେଳେ ସେ ଚିନ୍ତା କଲେ ଯଦି ଜଣେ ୬ ହଜାରରୁ ବି କମ୍ ରୋଜଗାର କରୁଥିବା ଲୋକ ଯଦି ଏଭଳି ଅସହାୟ ଲୋକଙ୍କୁ ସହାଯ୍ୟ କରିପାରୁଛି, ପ୍ରତି ମାସରେ ଲକ୍ଷ ଲକ୍ଷ ଟଙ୍କା ରୋଜଗାର କରୁଥିବା ଲୋକ କାହିଁକି ନୁହଁ । ରାମୁ ଜଣେ ଏମବିଏ ଗ୍ରାଜୁଏଟ୍, ସେ ଏକ ସଫ୍ଟଓ୍ୱେୟାର ଫାର୍ମରେ ଏଚ୍‌ଆର ମ୍ୟାନେଜର ଭାବେ କାର୍ଯ୍ୟ କରୁଛନ୍ତି ।

Leave a Reply