ପ୍ରେମିକାକୁ ବାଇକରେ ବସାଇ ସ୍ତ୍ରୀ ଠାରୁ ଛେଚା ଖାଇଲେ ସ୍ୱାମୀ
ଅନୁଗୁଳ: ଅନୁଗୁଳରେ ପେଟେଣ୍ଟ ମେଡିସିନ୍ । ସ୍ୱାମୀଙ୍କୁ ଚପଲରେ ନିର୍ଦ୍ଧୁମ ଛେଚିଲେ ସ୍ତ୍ରୀ । ପ୍ରେମିକାକୁ ବାଇକରେ ବୁଲାଇବା ବେଳେ ସ୍ତ୍ରୀ ହାବୁଡରେ ପଡିଗଲେ ସ୍ୱାମୀ । ଆଉ ତାପରେ ଯାହା ହେଲା ତାହା ଜାଣିଲେ ଆପଣ ବି ହେବେ ଆଶ୍ଚଯ୍ୟ । ଏଭଳି ଘଟଣା ଦେଖିବାକୁ ମିଳିଛି ଅନୁଗୁଳ ଜିଲ୍ଲାରେ, ତା ପୁଣି ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ।
ଗତ କିଛି ମାସ ହେଲା ଅନୁଗୁଳ ଉପକଣ୍ଠ ଲିଙ୍ଗରାଯୋଡିର ଜଣେ ବିବାହିତ ଯୁବକ ତାଙ୍କ ପ୍ରେମିକାଙ୍କୁ ଧରି ବୁଲାବୁଲି କରୁଥିଲେ । ଏ ଖବର ଯୁବକଙ୍କ ସ୍ତ୍ରୀ ପାଖରେ ଆଗରୁ ଥିଲା । ତେବେ ଆଜି ଯୁବକ ଜଣଙ୍କ ତାଙ୍କ ପ୍ରେମିକାଙ୍କୁ ମୋଟର ସାଇକେଲରେ ବସାଇ ବୁଲୁଥିବା ବେଳେ ତାଙ୍କ ସ୍ତ୍ରୀ ହାବୁଡରେ ପଡ଼ିଥିଲେ ।
ସ୍ୱାମୀଙ୍କୁ ପ୍ରେମିକା ସହ ବାଇକରେ ବୁଲୁଥିବାର ଦେଖି ଦୁହିଁଙ୍କୁ ପିଛା କରିଥିଲେ ଯୁବକଙ୍କ ସ୍ତ୍ରୀ । ସ୍ତ୍ରୀ ତାଙ୍କୁ ପିଛା କରୁଥିବା ଜାଣି ଯୁବକ ଜଣଙ୍କ ପ୍ରେମିକାକୁ ଧରି ଜିଲ୍ଲା ମୁଖ୍ୟ ଚିକିତ୍ସାଳୟ ଭିତରକୁ ପସିଯାଇଥିଲେ । କିନ୍ତୁ ସହଜରେ ପିଛା ଛାଡିନଥିଲେ ସ୍ତ୍ରୀ । ସ୍ୱାମୀ ଓ ତାଙ୍କ ପ୍ରେମିକାଙ୍କୁ ଅଟକାଇବା ସହ ଝିଅ ତାଙ୍କ ବାପ ଘର ଲୋକଙ୍କୁ ଖବର ଦେଇଥିଲେ । ତେବେ ଏଭଳି ଦୃଶ୍ୟ ଦେଖି ଡାକ୍ତରଖାନାରେ ପ୍ରବଳ ଭିଡ ଜମିଥିଲା ।
