୨୦୦ ନୂଆ ଟ୍ରେନ୍ : ରିଜର୍ଭେସନ୍ କରାଇବାକୁ ଚାହୁଁଛନ୍ତି କି ? ପ୍ରଥମେ ଜାଣି ନିଅନ୍ତୁ ଟିକେଟ୍ ବୁକିଂ ଓ ଯାତ୍ରାର ୧୦ ନିୟମ

1 min read

ନୂଆଦିଲ୍ଲୀ: ଟ୍ରେନକୁ ଅପେକ୍ଷା କରିଥିବା ଯାତ୍ରୀଙ୍କ ପାଇଁ ଖୁସୀଖବର । ଭାରତୀୟ ରେଳବାଇ ଜୁନ୍ ୧ ତାରିଖରୁ ୨୦୦ ନୂଆ ଟ୍ରେନ୍ ଟ୍ରାକରେ ଦୌଡାଇବ । ଏଥିପାଇଁ ଟିକେଟ୍ ବୁକିଂ ୨୧ ମେ’ ଅର୍ଥାତ୍ ଆଜି ସକାଳ ୧୦ଟାରୁ ଆରମ୍ଭ ହୋଇସାରିଛି । ଏହି ଟ୍ରେନ୍ ଗୁଡିକର ନିୟମରେ ମଧ୍ୟ ଅନେକ ପରିବର୍ତ୍ତନ କରାଯାଇଛି । ସବୁଠାରୁ ବଡ ପରିବର୍ତ୍ତନ ହେଉଛି ଏହି ସବୁ ଟ୍ରେନରେ ଜେନରାଲ କୋଚ୍ ରହିବ ଓ ଏଥିରେ ମଧ୍ୟ ଯାତ୍ରା ପାଇଁ ସିଟ୍ ସଂରକ୍ଷଣ କରିବାକୁ ପଡିବ । ବିନା କନଫର୍ମ ଟିକେଟରେ ଯାତ୍ରୀ ଜେନରାଲ କୋଚରେ ଯାତ୍ରା କରିପାରିବେ ନାହିଁ । ଆସନ୍ତୁ ଜାଣିବା ଜୁନ୍ ୧ ତାରିଖରୁ ଚାଲିବାକୁ ଥିବା ୨୦୦ ଟ୍ରେନର ନିୟମ ବାବଦରେ ।

୨୦୦ ନୂଆ ଟ୍ରେନ୍ ପାଇଁ ଯାତ୍ରା ନିୟମ କଣ ?

୧. ଏହି ସବୁ ଟ୍ରେନ୍ ପାଇଁ କେବଳ ଟିକେଟ୍ କେବଳ ଆଇଆରସିଟିସିର ୱେବସାଇଟରୁ ହିଁ ବୁକିଂ ହୋଇପାରିବ । କୌଣସି କାଉଣ୍ଟରରୁ ଟିକେଟ୍ ମିଳିବ ନାହିଁ ।

୨. ଅଗ୍ରିମ ସଂରକ୍ଷଣ ଅବଧି (ଏଆରପି) ସର୍ବାଧିକ ୩୦ ଦିନର ହେବ । ଅର୍ଥାତ ଏହି ୨୦୦ ଟ୍ରେନ୍ ପାଇଁ ଯାତ୍ରୀ ଟିକେଟ୍ ବୁକିଂ ଯାତ୍ରାର ୩୦ ଦିନ ପୂର୍ବରୁ କିମ୍ବା ୩୦ ଦିନ ଭିତରେ କରିପାରିବେ । ଯେମିତିକି ୩୦ ଜୁନରେ ଯାତ୍ରା କରିବାର ଥିଲେ ଯାତ୍ରୀ ୧ ଜୁନରୁ ୩୦ ଜୁନ୍ ଭିତରେ ଟିକେଟ୍ କରିପାରିବେ ।

୩. RAC ଓ ୱେଟିଂ ଟିକେଟ୍ ବର୍ତ୍ତମାନର ନିୟମ ଅନୁସାରେ ହିଁ ଦିଆଯିବ ।  ତେବେ ୱେଟିଂ ଟିକେଟ୍ ଥିବା ଯାତ୍ରୀଙ୍କୁ ଟ୍ରେନରେ ଚଢିବା ଅନୁମତି ଦିଆଯିବ ନାହିଁ । ଉଲ୍ଲେଖନୀୟ ଯେ, ଏବେର ନିୟମ ଅନୁସାରେ ଏସି-୧ରେ ୨୦,ଏସି୨ରେ ୫୦,ଏସି ୩ରେ ୧୦୦ ଓ ସ୍ଲିପର କୋଚରେ ୨୦୦ ୱେଟିଂ ଟିକେଟ୍ ବୁକ୍ କରାଯାଇ ପାରିବ ।

୪. ଯାତ୍ରା କାଳରେ କୌଣସି ଯାତ୍ରୀଙ୍କୁ ଅସଂରକ୍ଷିତ ଟିକେଟ୍ ଜାରି କରାଯିବ ନାହିଁ କିମ୍ବା ଅନ୍ୟ କୌଣସି ଟିକେଟ୍ ଦିଆଯିବ ନାହିଁ  । ଅର୍ଥାତ୍ ଟିଟିଇ ଯାତ୍ରା କାଳରେ କାହାରିକି ଟିକେଟ୍ ଦେଇ ପାରିବେ ନାହିଁ ।

୫. ଏହି ଟ୍ରେନ୍ ଗୁଡିକ ପାଇଁ କୌଣସି ତତ୍କାଳ କିମ୍ବା ପ୍ରିମିୟମ ତତ୍କାଳ ବୁକିଂର ଅନୁମତି ନାହିଁ ।

୬. ଟ୍ରେନ୍ ଯାତ୍ରା ଆରମ୍ଭ କରିବାର ଅତିକମରେ ୪ ଘଣ୍ଟା ପୂର୍ବରୁ ପ୍ରଥମ ଚାର୍ଟକୁ ପ୍ରସ୍ତୁତ କରାଯିବ । ଦ୍ୱିତୀୟ ଚାର୍ଟକୁ ଯାତ୍ରାର ୨ ଘଣ୍ଟା ପୂର୍ବରୁ ପ୍ରସ୍ତୁତ କରାଯିବ । ବର୍ତ୍ତମାନ ପର୍ଯ୍ୟନ୍ତ ଦ୍ୱିତୀୟ ଚାର୍ଟ୍ ଯାତ୍ରାର ୩୦ ମିନିଟ୍ ପୂର୍ବରୁ ଜାରି ହେଉଥିଲା । ପ୍ରଥମ ଓ ଦ୍ୱିତୀୟ ଚାର୍ଟ ପ୍ରସ୍ତୁତ ପୂର୍ବରୁ କେବଳ ଅନଲାଇନ୍ ଟିକେଟ୍ ବୁକିଂର ଅନୁମତି ରହିବ ।

୭. ଯାତ୍ରୀଙ୍କ ମେଡିକାଲ ଯାଂଚ୍ ଅନିବାର୍ଯ୍ୟ । ସୁସ୍ଥ ଯାତ୍ରୀଙ୍କୁ ହିଁ ମିଳିବ ଯାତ୍ରା ଅନୁମତି
୮. କେବଳ କନଫର୍ମ ଟିକେଟ୍ ଥିବା ଯାତ୍ରୀ ଷ୍ଟେଶନରେ ପ୍ରବେଶ କରିପାରିବେ ।

୯.ଷ୍ଟେଶନରେ ପ୍ରବେଶ ଓ ଯାତ୍ରା କାଳରେ ସମସ୍ତେ ମାସ୍କ ପିନ୍ଧିବା ଅନିବାର୍ଯ୍ୟ । ଗନ୍ତବ୍ୟସ୍ଥଳରେ ପହଂଚିବା ପରେ ଯାତ୍ରୀଙ୍କୁ ସେହି ରାଜ୍ୟର ସ୍ୱାସ୍ଥ୍ୟ ପ୍ରୋଟୋକଲ ମାନିବାକୁ ପଡିବ ।

୧୦.ଷ୍ଟେଶନରେ ଥର୍ମାଲ ସ୍କ୍ରିନିଂ ସୁବିଧା ରହିବ । ଯାତ୍ରୀ ଟ୍ରେନ୍ ଛାଡିବାର ଅତିକମରେ ୯୦ ମିନିଟ୍ ପୂର୍ବରୁ ଷ୍ଟେଶନରେ ପହଂଚିବେ । ଅସୁସ୍ଥ ଯାତ୍ରୀଙ୍କୁ ଯାତ୍ରା ଅନୁମତି ମିଳିବ ନାହିଁ । ଷ୍ଟେଶନ ଓ ଟ୍ରେନରେ ସାମାଜିକ ଦୂରତାକୁ ପାଳନ କରାଯିବ ।

କୋଟା ସହିତ ଜଡିତ ନୂଆ ନିୟମ କଣ ?

ନିୟମିତ ଟ୍ରେନ୍ ଭଳି ଏହି ସବୁ ଟ୍ରେନରେ ସବୁ ପ୍ରକାର କୋଟାରେ ଟିକେଟ୍ ବୁକିଂ ହୋଇପାରିବ । କୋଟାରେ ସଂରକ୍ଷଣ ପାଇଁ ସୀମିତ ସଂଖ୍ୟାରେ ସଂରକ୍ଷଣ (PRS) ଟିକେଟ୍ କାଉଣ୍ଟର ଖୋଲାଯିବ । ତେବେ ଏହି କାଉଣ୍ଟର ମାଧ୍ୟମରେ ସାମାନ୍ୟ ଟିକେଟ୍ ବୁକିଂ କରାଯିବ ନାହିଁ ।

ଟ୍ରେନରେ କଣ ମିଳିବ ରିହାତି ?

ଏହି ଟ୍ରେନରେ ଦିବ୍ୟାଙ୍ଗଙ୍କ ପାଇଁ କେବଳ ୪ ଶ୍ରେଣୀରେ ରିହାତି ମିଳିବ ଓ ରୋଗୀ ଯାତ୍ରୀଙ୍କୁ ୧୧ ଶ୍ରେଣୀରେ ରିହାତି ମିଳିବ । ଏହା ସହ ଟିକେଟ୍ କ୍ୟାନସଲ କଲେ ସାମାନ୍ୟ ଟ୍ରେନ୍ ଭଳି ୨୦୧୫ର ନିୟମ ଲାଗୁ ହେବ ।

ଟିକେଟରେ ଭୋଜନ ପାଇଁ ଟଙ୍କା ନିଆଯିବ ନାହିଁ । ଯାତ୍ରୀଙ୍କୁ ନିଜ ଖାଦ୍ୟ ଓ ପାଣି ଆଣିବାକୁ ପ୍ରତ୍ସୋହିତ କରାଯିବ ।

ରେଳ ଷ୍ଟେଶନରେ ସବୁ ଷ୍ଟଲକୁ ଖୋଲାଯିବ । ଫୁଡ୍ ପ୍ଲାଜାରୁ ଯାତ୍ରୀ ଖାଦ୍ୟ ନେଇ ପାରିବେ କିନ୍ତୁ ସେଠାରେ ବସି ଖାଇ ପାରିବେ ନାହିଁ ।

ଟ୍ରେନରେ ମିଳିବ ନାହିଁ ଚାଦର ଓ କମ୍ବଳ

ଟ୍ରେନ୍ ଭିତରେ ଚାଦର, କମ୍ବଳ ଓ ପରଦା ଉପଲବ୍ଧ ହେବ ନାହିଁ ।  ତେଣୁ ଯାତ୍ରୀଙ୍କୁ ଚାଦର ଓ କମ୍ବଳ ନିଜ ସହ ନେଇକରି ଯିବାକୁ ପଡିବ । ତେବେ କୋଚ୍ ଭିତରେ ତାପମାନ କମ ରଖାଯିବ ବୋଲି ରେଳବାଇ କହିଛି । ସବୁ ଯାତ୍ରୀଙ୍କ ପାଇଁ ଆରୋଗ୍ୟ ସେତୁ ଆପ୍ ଡାଉନଲୋଡ୍ ଅନିବାର୍ଯ୍ୟ ।

Leave a Reply