୬୨ ହଜାର ଟପିଲା କରୋନାରୁ ସୁସ୍ଥଙ୍କ ସଂଖ୍ୟା, ଆଜି ଖୋର୍ଦ୍ଧାରୁ ସର୍ବାଧିକ

1 min read
Odisha has touched the highest single day recovery of #COVID19 patients with the discharge of 4121 patients today.

ଭୁବନେଶ୍ୱର: କରୋନାକୁ ମାତ୍ ଦେଉଛି ଓଡ଼ିଶା । ସୁସ୍ଥ ହେଉଛନ୍ତି ସଂକ୍ରମିତ । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ରେକର୍ଡ ସଂଖ୍ୟକ ସଂକ୍ରମିତ ଚିହ୍ନଟ ହୋଇଥିବା ବେଳେ ରେକର୍ଡ ସଂଖ୍ୟକ ଆକ୍ରାନ୍ତ ସୁସ୍ଥ ହୋଇଛନ୍ତି । ୩୩୪୩ ଜଣ ସୁସ୍ଥ ହୋଇଥିବା ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି । ଏଥିସହ ରାଜ୍ୟରେ କରୋନାରୁ ସୁସ୍ଥ ହୋଇଥିବା ବ୍ୟକ୍ତିଙ୍କ ସଂଖ୍ୟା ୬୨ ହଜାର ୮୧୩ରେ ପହଞ୍ଚିଛି ।

ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୭୩୨ ଜଣ କରୋନାରୁ ଆରୋଗ୍ୟ ଲାଭ କରିଥିବା ବେଳେ ସୁନ୍ଦରଗଡ଼ରୁ ୨୬୧, ଭଦ୍ରକରୁ ୨୪୫, ଗଞ୍ଜାମରୁ ୨୩୮, ରାୟଗଡ଼ାରୁ ୨୧୭, କଟକ ୧୮୧, ବାଲେଶ୍ୱର ୧୫୫, ସମ୍ବଲପୁର ୧୨୭, ପୁରୀ ୧୨୧, କୋରାପୁଟ ୧୧୯, ମୟୂରଭଞ୍ଜ ୧୧୨, ସୋନପୁର ୧୦୩, ବୌଦ୍ଧ ୮୪, ବରଗଡ଼ ୭୮, କନ୍ଧମାଳ ୬୮, ବଲାଙ୍ଗିର ୬୫, ନୟାଗଡ଼ ୬୦, କଳାହାଣ୍ଡି ୫୬, ମାଲକାନଗିରି ୫୪, ଢେଙ୍କାନାଳ ୪୯, ନବରଙ୍ଗପୁର ୩୬, କେନ୍ଦୁଝର ୩୪, ଯାଜପୁର ୩୨, ଗଜପତି ୨୭, ଅନୁଗୁଳ ୨୨, ଝାରସୁଗୁଡ଼ା ୨୦, କେନ୍ଦ୍ରାପଡ଼ା ୧୯, ଜଗତସିଂହପୁର ୧୬, ନୂଆପଡ଼ା ୧୧ ଓ ଦେବଗଡ଼ରୁ ଜଣେ ସଂକ୍ରମିତ ସୁସ୍ଥ ହୋଇଛନ୍ତି ।

ଗତ ୨୪ ଘଣ୍ଟାରେ ରାଜ୍ୟରେ ୩ ହଜାର ୩୭୧ ଜଣ କରୋନା ସଂକ୍ରମିତ ଚିହ୍ନଟ ହେବା ସହ ୧୩ ଜଣଙ୍କ ମୃତ୍ୟୁ ହୋଇଛି । ରାଜ୍ୟରେ ଟେଷ୍ଟି ବଢ଼ିଥିବା ବେଳେ ତା’ ତୁଳନାରେ କମ୍ ରହିଛି ପଜିଟିଭ୍ ହାର । ଏବେ ଯାଏଁ ରାଜ୍ୟରେ ୮୭ ହଜାର ୬୦୨ଟି ସଂକ୍ରମଣ ମାମଲା ଆସିଛି । ସେଥିମଧ୍ୟରୁ ୬୨ ହଜାର ୮୧୩ ଜଣ କରୋନାରରୁ ସୁସ୍ଥ ହୋଇ ସାରିଲେଣି ।

ରାଜ୍ୟରେ ଆଉ ୩୩୭୧ କରୋନା ପଜିଟିଭ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ ୫୪୭ ସଂକ୍ରମିତ

Leave a Reply