ବାଚସ୍ପତିଙ୍କ ପରେ କରୋନା ସଂକ୍ରମିତ ହେଲେ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: କରୋନା କାୟରେ ଏବେ ହେଭିୱେଟ୍ ନେତା । ବାଚସ୍ପତିଙ୍କ ପରେ ଏବେ ହାରିୟଣା ମୁଖ୍ୟମନ୍ତ୍ରୀ କରୋନାରେ ସଂକ୍ରମିତ ହୋଇଛନ୍ତି । ଏନେଇ ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର ନିଜେ ଟ୍ୱିଟ୍ କରି ସୂଚନା ଦେଇଛନ୍ତି । କିଛି ଦିନ ପୂର୍ବେ ତାଙ୍କର କରୋନା ଟେଷ୍ଟ ହୋଇଥିଲା । ଆଜି ତାଙ୍କ ରିପୋର୍ଟ ପଜିଟିଭ୍ ଆସିଛି ବୋଲି ସେ କହିଛନ୍ତି ।

I was tested for Novel Corona Virus today. My test report has returned positive.

I appeal to all colleagues and associates who came in my contact over the last week to get themselves tested. I request my close contacts to move into strict quarantine immediately.

— Manohar Lal (मोदी का परिवार) (@mlkhattar) August 24, 2020

ଏଥିସହ ସପ୍ତାହ ମଧ୍ୟରେ ତାଙ୍କ ସଂସ୍ପର୍ଶରେ ଅସିଥିବା ସମସ୍ତଙ୍କର ସ୍ୱାବ୍ ଟେଷ୍ଟ କରିବା ପାଇଁ ଅନୁରୋଧ କରିଛନ୍ତି । ଆସନ୍ତା ୨୬ ତାରିଖରେ ହରିୟଣାରେ ବିଧାନସଭା ଅଧିବେଶନ ଆରମ୍ଭ ହେବ । ଏହା ପୂର୍ବରୁ ଗୃହର ସମସ୍ତ ସଦସ୍ୟଙ୍କ କରୋନା ଟେଷ୍ଟ କରାଯାଉଥିବା ବେଳେ ଏହି ଟେଷ୍ଟରେ ତାଙ୍କ ରିପୋର୍ଟ ପଜିଟିଭ୍ ଆସିଛି ।

କେନ୍ଦ୍ର ମନ୍ତ୍ରୀ ଗଜେନ୍ଦ୍ର ଶେଖାୱତ୍ କରୋନା ପଜିଟିଭ୍ ଚିହ୍ନଟ ହେବା ପରେ ଖଟ୍ଟର ଆଇସୋଲେସନରେ ରହିଥିଲେ । ଏକ ବୈଠକରେ ଖଟ୍ଟର-ଶେଖାୱତଙ୍କ ସଂସ୍ପର୍ଶରେ ଆସିଥିଲେ । ଗଜେନ୍ଦ୍ରଙ୍କ କରୋନା ରିପୋର୍ଟ ଅଗଷ୍ଟ ୨୦ ତାରିଖରେ ପଜିଟିଭ୍ ଆସିଥିଲା । ଶେଖାୱତଙ୍କ ବ୍ୟତୀତ କୁରୁକ୍ଷେତ୍ର ସାଂସଦ ନାୟବ ସିଂହ ସୈନି ମଧ୍ୟ କରୋନା ସଂକ୍ରମିତ ହୋଇଥିବା ଜଣାପଡ଼ିଛି ।