ଦୁବାଇରେ ଡିଜେ ଗାର୍ଲଙ୍କୁ ମୁଦି ପିନ୍ଧାଇ ପ୍ରପୋଜ୍ କଲେ ହାର୍ଦ୍ଦିକ୍ ପାଣ୍ଡ୍ୟା, ସୋସିଆଲ ମିଡିଆରେ ଫଟୋ ଭାଇରାଲ
ମୁମ୍ବାଇ: କ୍ରିକେଟର୍ ହାର୍ଦ୍ଦିକ ପାଣ୍ଡ୍ୟାଙ୍କ ସହ ନାତାଶା ସ୍ଟାଂକୋଭିକ୍ ଙ୍କର ବୁଧବାର ହୋଇଛି ନିର୍ବନ୍ଧ । ଦୁବାଇଠାରେ ନିର୍ବନ୍ଧ ସରିବା ପରେ ଗୁରୁବାର ସେମାନେ ମୁମ୍ବାଇ ଫେରିଛନ୍ତି । ଫେରିବାବେଳେ ସେମାନଙ୍କୁ ମୁମ୍ବାଇ ଏଆରପୋର୍ଟ ଠାରେ ଦେଖିବାକୁ ମିଳିଥିଲା ।
ସେଠାରେ ନତାଶା ଏକ ଲାଲ୍ ଭେଲବେଟ୍ ଟ୍ରାକ୍ ସୁଟ୍ ପିନ୍ଧିଥିବା ବେଳେ ହାର୍ଦ୍ଦିକ୍ ଏକ ପ୍ରିଣ୍ଟେଡ୍ ସାର୍ଟ ସାଙ୍ଗକୁ କଳା ପ୍ୟାଣ୍ଟ ପିନ୍ଧିଥିବାର ଦେଖିବାକୁ ମିଳିଥିଲେ ।
ସେମାନଙ୍କ ସହ ହାର୍ଦ୍ଦିକଙ୍କ ଭାଇ କ୍ରୁନାଲ ପାଣ୍ଡ୍ୟା ଓ ତାଙ୍କ ପତ୍ନୀ ପଂଖୁରୀ ଶର୍ମା ମଧ୍ୟ ସାମିଲ ଥିଲେ ।
ହାର୍ଦ୍ଦିକ୍ ନତାଶାଙ୍କ ସହ ନିଜର ନିର୍ବନ୍ଧ ଫଟୋ ସୋସିଆଲ ମିଡିଆରେ ଛାଡି ଜାନୁଆରୀ ୧ରେ ନିଜ ପ୍ରଶଂସକ ମାନଙ୍କୁ ଚମକାଇ ଦେଇଥିଲେ । ଏହାପରେ ତାଙ୍କ ନିର୍ବନ୍ଧର ବିଭିନ୍ନ ଫଟୋ ଓ ଭିଡିଓ ଭାଇରାଲ୍ ହେବାରେ ଲାଗିଥିଲା । ତେବେ ଏହି ଘଟଣା ପରେ ହାର୍ଦ୍ଦିକ ପାଣ୍ଡ୍ୟା ବହୁ ଟ୍ରୋଲ୍ ର ଶିକାର ହୋଇଥିଲେ । 
ଆଗକୁ ଏହି ଦୁଇ ସେଲିବ୍ରିଟି କେବେ ବିବାହ ବନ୍ଧନରେ ବାନ୍ଧି ହେଉଛନ୍ତି ତାହା ଦେଖିବା ବାକି ରହିଲା ।
