ଫୁଟପାଥ୍‌ରେ ସୋଇଥିବା ବେଳେ ୧୮ ଜଣଙ୍କ ଉପରେ ଚଢ଼ିଗଲା ଡମ୍ଫର, ୧୩ ଜଣ ମୃତ ୫ ଗୁରୁତର

ଅହମଦାବାଦ: ସକାଳୁ ସକାଳୁ ଘଟିଛି ହୃଦୟ ବିଦାରକ ଘଟଣା। ପୁରା ରାସ୍ତା ରକ୍ତ ରଞ୍ଜିତ ହୋଇଛି। ଅକାଳରେ ଚାଲିଯାଇଛି ଜୀବନ। କୁହୁଡ଼ିର ଅନ୍ଧାରରେ ଏକ ଯନ୍ତ୍ରଣାଦାୟକ ଘଟଣା ଘଟିଛି। ଫୁଟ୍‌ପାଥ୍‌ରେ ଶୋଇଥିବା ବେଳେ ଚଢ଼ିଗଲା ଡମ୍ଫର। ଡମ୍ଫର ଚଢ଼ିଯିବାରୁ ୧୩ ଜଣଙ୍କ ମୃତ୍ୟୁ ହୋଇଛି। ଗୁରୁତର ୫ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଗୁଜରାଟର ସୁରଟରେ ଏଭଳି ଏକ ମର୍ମନ୍ତୁଦ ଦୁର୍ଘଟଣା ଘଟିଛି।

ଫୁଟ୍‌ପାଥ୍‌ରେ ଶୋଇଥିବା ବେଳେ ୧୮ ଜଣଙ୍କ ଉପରେ ଡମ୍ଫର ଚଢ଼ିଯାଇଥିଲା। ଘଟଣାସ୍ଥଳରେ ୧୩ ଜଣଙ୍କ ମୃତ୍ୟୁ ହୋଇଥିବା ବେଳେ, ଅନ୍ୟ ୫ ଗୁରୁତର ଅଛନ୍ତି। ମୃତକ ଓ ଗୁରୁତରମାନେ ଦିନ ମଜୁରିଆ ବୋଲି ପୋଲିସ କହିଛି। ସମସ୍ତଙ୍କ ଘର ରାଜସ୍ଥାନରେ ବୋଲି ସୂଚନା ମିଳିଛି। ମୃତଦେହ ବ୍ୟବଚ୍ଛେଦ ପାଇଁ ସ୍ଥାନୀୟ ଡାକ୍ତରଖାନାକୁ ପଠାଯାଇଛି। ରାତି ପ୍ରାୟ ୧୨ଟା ସମୟରେ ଏହି ଦୁର୍ଘଟଣା ଘଟିଛି। ସମସ୍ତେ ହେଉଛି ଖାଇବା ପରେ ରାସ୍ତା କଡ଼ରେ ସୋଇଥିଲା। ତେବ ପୁରା ନିଦରେ ସୋଇଥିବା ବେଳେ ସମସ୍ତଙ୍କ ଉପରେ ଚଢ଼ିଯାଇଥିଲା ଡମ୍ଫର।

Leave a Reply