ଭିଜିଲାନ୍ସ ଜାଲରେ ମୁନିସିପାଲିଟି- ARCS ଅଧିକାରୀ

1 min read

ଝାରସୁଗୁଡ଼ା/ଢେଙ୍କାନାଳ: ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଫସିଲେ ଝାରସୁଗୁଡ଼ା ବ୍ରଜରାଜନଗର ପୌରପରିଷଦର କାର୍ଯ୍ୟ ନିର୍ବାହୀ ଅଧିକାରୀ । ବ୍ରଜରାଜନଗର ମୁନିସିପାଲିଟି କାର୍ଯ୍ୟନିର୍ବାହୀ ଅଧିକାରୀ ଦିଲ୍ଲୀପ କୁମାର ପଟେଲଙ୍କ ଘର ସମେତ ଏକକାଳୀନ ୬ଟି ସ୍ଥାନରେ ଚଢ଼ାଉ କରିିଛି ଭିଜିଲାନ୍ସ ବିଭାଗ । ମଙ୍ଗଲବାର ଦିନ ସରକାରୀ ବାସଭବନ, ବ୍ରଜରାଜନଗର ଅଫିସ, ଦେବଡିହିରେ ଥିବା ତାଙ୍କ ଘର, ବେଲମୁଣ୍ଡା ସ୍ଥିତ ପୈତୃକ ଘର, ସମସିଙ୍ଗରେ ପୁଅ ନାଁରେ ଥିବା ପେଟ୍ରୋଲ ପମ୍ପ, କୋଲବାହାଲ ସ୍ଥିତ ଶ୍ୱଶୁର ଘରେ ମଧ୍ୟ ଚଢାଉ କରିଛି ଭିଜିଲାନ୍ସ ।

ତେବେ ଏକ କାଳୀନ ୬ଟି ସ୍ଥାନରେ ଚଢ଼ାଉ ଫଳରେ ତାଙ୍କର ଅସଲ ରୂପ ଏବେ ପଦାକୁ ଆସିଛି ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି । ବାରମ୍ବାର ଏଭଳି ସରକାରୀ ବାବୁଙ୍କ ଘରେ ଭିଜିଲାନ୍ସ ରେଡ୍‌ କରାଯାଉଥିଲେ ମଧ୍ୟ ବବାବୁ ମାନେ ସୁଧୁରିବାର ନାଁ ଧରୁ ନାହାନ୍ତି । ତେବେ ସରକାରୀ ବାବୁଙ୍କ ପାଖରେ ଏତେ ଟଙ୍କା ଆସୁଛି କେଉଁଠି ସେନେଇ ତଦନ୍ତ ହେବା ଆବଶ୍ୟକ ବୋଲି ବୁଦ୍ଧିଜୀବୀମାନେ ମତ ଦେଇଛନ୍ତି । ଚାକିରି କରୁଥିବା ବେଳେ ଦରମା ବାଦ୍‌ ଏତେ ଟଙ୍କା ରୋଜଗାର କରୁଥିବା ନେଇ ବିଭାଗ ଜାଣିପାରୁନି କଭିଳି ସେନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହେଉଛି ।

ସେହିଭଳି ଢେଙ୍କାନାଳର ଜଣେ ସହକାରୀ ଅଧିକାରୀଙ୍କ ଘରେ ଭିଜିଲାନ୍ସ ଚଢ଼ାଉ କରିଛି । ARCSର ସହକାରୀ ଅଧିକାରୀ ବିଦ୍ୟାଧର ରାଉତଙ୍କ ଘର ସମେତ ୩ଟି ସ୍ଥାନରେ ଭିଜିଲାନ୍ସ ଏକକାଳିନ ଛାପା ମାରିଛି । ଭୁବନେଶ୍ୱର ପଟିଆ ସ୍ଥିତ ଘର, ପୈତୃକ ଗାଁ ଭଦ୍ରକ ଓ କୁମ୍ଭାରିଆ ଗାଁରେ ଚଢାଉ କରିଛି ଭିଜିଲାନ୍ସ । ଏହାସହ ଢେଙ୍କାନାଳ ମହିସିଆପାଟ ସହକାରୀ ସମ୍ୱଦ୍ଧକ ସମବାୟ ସମିତି ଅଫିସରେ ରେଡ୍ ।

Leave a Reply