କଟକଣା ଭିତରେ ଫିଲ୍ମ ଓ ଧାରାବାହିକ ସୁଟିଂକୁ ଅନୁମତି ଦେଲେ ସରକାର, ଜାରି ହେଲା SOP
1 min read
ନୂଆଦିଲ୍ଲୀ : ଭାରତୀୟଙ୍କ ସିନେମାପ୍ରେମ ଏହି କରୋନା କାଳରେ ମଧ୍ୟ ଥମିନଥିଲା । ଅଭିନୟ, କଳାକାର ଓ ସୁଟିଂ ସେଟ୍ ବଡ଼ବଡ଼ ସିନେମା ହଲର ପରଦା ଛାଡ଼ି ନେଟଫ୍ଲିକ୍ସ ଓ ଆମାଜନ ଭଳି ପ୍ଲାଟଫର୍ମକୁ ଚାଲି ଯାଇଥିଲେ । ତେବେ ସବୁ ବାଦ ମଧ୍ୟ ସାରା ଦେଶରେ କିଛି ଯଦି ବନ୍ଦ ଥିଲା ତାହା ହେଉଛି ନୂଆ ଫିଲ୍ମର ନିର୍ଦ୍ଦେଶନା ଓ ସୁଟିଂ ସେଟ୍ । ସରକାର ଏବେ ଏସବୁ ସାନି ଆରମ୍ଭ କରିବା ଉପରେ ବିଚାର କରୁଛନ୍ତି ।
ଫିଲ୍ମଜଗତ ସାମାନ୍ୟ ଚଳଚଞ୍ଚଳ କରିବାର ସୁଯୋଗ ଦେଉଛନ୍ତି । ଏଥିପାଇଁ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରାଳୟ SOP ଜାରି କରିଛି । ସୁଟିଂ ସେଟରେ ମାସ୍କ ଓ ସାନିଟାଇଜର ବ୍ୟବହାର ବାଧ୍ୟତାମୂଳକ ହୋଇଛି । ଫିଲ୍ମ ଓ ଟିଭି ସିରିଏଲର ସୁଟିଂ କାମ ପୁରା ସତର୍କତାର ସହ କରିବାକୁ ଅନୁମତି ମିଳିଛି । ସୁଟିଂ ସେଟରେ ଭିଡ ନିୟନ୍ତ୍ରଣ ହେବ, ଉଚିତ୍ ସ୍ବଚ୍ଛତା ଅବଲମ୍ବନ ହେବାକୁ ଏସଓପିରେ ଉଲ୍ଲେଖ ଅଛି । ମେକଅପ ଆର୍ଟିଷ୍ଟ ଓ ହେୟାର ଷ୍ଟାଇଲିଷ୍ଟ ପିନ୍ଧିବେ ପିପିଇ କିଟ୍ । ଗ୍ଲୋବ୍ସ ପିନ୍ଧିବା ମଧ୍ୟ ବାଧ୍ୟତାମୂଳକ କରଯାଇଛି । ବିଶେଷ ଲାପଲ୍ ଓ ମାଇକ୍ ବ୍ୟବହାର ନ କରିବାକୁ ପରାମର୍ଶ ରହିଛି । ପୂର୍ବ ପରି ଭିଜିଟର ଓ ଦର୍ଶକ ସୁଟିଂ ସେଟକୁ ଆସି ପାରିବେ ନାହିଁ । କ୍ରୀୟୁ ମେମ୍ବରଙ୍କ ପୋନରେ ଆରୋଗ୍ୟ ସେତୁ ଆପ୍ ବାଧ୍ୟତାମୂଳକ । ଥର୍ମାଲ ସ୍କ୍ରିନିଂ ସହ ସିମଟମ୍ସ ନଥିବା ଲୋକ ହିଁ ସୁଟିଂ ପରିସରକୁ ପ୍ରବେଶ କରିପାରିବେ ।
