ସ୍କୁଲ ମିଶ୍ରଣ ନିଷ୍ପତ୍ତିରେ ପରିବର୍ତ୍ତନ, କେବିକେ ଅଞ୍ଚଳରେ ବି ହେବ ମିଶ୍ରଣ..

1 min read
Minister Samir Das On High School Issue Says No Departmental Decision Was Taken

ଭୁବନେଶ୍ୱର: ସ୍କୁଲ ମିଶ୍ରଣ ନିଷ୍ପତ୍ତିରେ ପରିବର୍ତ୍ତନ । ସିଡ୍ୟୁଲ୍‌ଡ ଏରିଆରେ ୧୫ରୁ କମ୍ ଓ ନନ୍‌ସିଡ୍ୟୁଲ୍‌ଡ ଏରିଆରେ ୨୦ରୁ କମ୍‌ ପିଲାଥିବା ସ୍କୁଲକୁ ଅନ୍ୟ ସ୍କୁଲରେ ମିଶ୍ରଣ କରାଯିବ ବୋଲି ରବିବାର ସ୍କୁଲ ଓ ଗଣଶିକ୍ଷା ମନ୍ତ୍ରୀ କହିଥିଲେ । କିନ୍ତୁ କେବିକେ ଜିଲ୍ଲାରେ ଉଭୟ ସିଡ୍ୟୁଲ୍‌ଡ ଓ ନନ୍‌ସିଡ୍ୟୁଲ୍‌ ଏରିଆ ଥିବାରୁ ଦ୍ୱନ୍ଦ୍ୱ ସୃଷ୍ଟି ହୋଇଥିଲା ।

ତେବେ ବିଧାସସଭାରେ ଏନେଇ ସ୍ପଷ୍ଟୀକରଣ ରଖିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ । କେବିକେ ଅଞ୍ଚଳରେ ୧୫ରୁ କମ ଛାତ୍ରଛାତ୍ରୀ ଥିଲେ ସ୍କୁଲଗୁଡିକର ମିଶ୍ରଣ ହେବ ବୋଲି ସେ କହିଛନ୍ତି । ରାଜ୍ୟରେ କେବିକେ ଅନ୍ତର୍ଗତ ୮ ଜିଲ୍ଲାର ୮-ଟି ବ୍ଳକ ଅଛି । ସେସବୁ ଅଞ୍ଚଳରେ ଏହି ନିୟମ ଲାଗୁ ହେବ ।

ସୋମବାର ବିଧାନସଭା ଅଧିବେଶନର ଦ୍ୱିତୀୟର୍ଦ୍ଧାରେ ସ୍କୁଲ ବନ୍ଦକୁ ନେଇ ଗୃହରେ ଉଦ୍‌ବେଗ ପ୍ରକାଶ କରିଥିଲେ ବିରୋଧୀ । ସିଡୁଲ୍‌ଡ ଭଳି କେବିକେ ଅଞ୍ଚଳରେ ୧୫ ଛାତ୍ରଛାତ୍ରୀ ଥିବା ସ୍କୁଲକୁ ଅନୁମତି ଦିଆଯାଉ ବୋଲି ବିରୋଧୀ ଦାବି କରିଥିଲେ । କଂଗ୍ରେସ ବିଧାୟକ ନରସିଂହ ମିଶ୍ରଙ୍କ ସମେତ ବିରୋଧୀ ଦଳ ନେତା ପ୍ରମୁଖ ଏହି ଦାବି ରଖିଥିଲେ । ସରକାର ସ୍କୁଲ ବନ୍ଦ ନିଷ୍ପତ୍ତି ପରିବର୍ତ୍ତନ କରିବାକୁ ତିନି ଦିନ ଧରି ଲଗାତାର ଗୃହରେ ସରଗରମ ଆଲୋଚନା ହୋଇଥିଲା । ଏହାପରେ ସରକାର ନିଜ ନିଷ୍ପତ୍ତି ବଦଳାଇଛନ୍ତି ।

Leave a Reply