ସୁନା, ରୂପା ଦର ହ୍ରାସ; ଦିନକରେ ୧୫୦୦ରୁ ଅଧିକ ଟଙ୍କା କମିଲା ମୂଲ୍ୟ
1 min read
ନୂଆଦିଲ୍ଲୀ: ଅନ୍ତର୍ଜାତୀୟ ବଜାରରେ ସୁନା, ରୂପା ଦର ଖସିବା ପରେ ଘରୋଇ ବଜାରରେ ଦର ହ୍ରାସ ପାଇଛି । ମଙ୍ଗଳବାର ଦିଲ୍ଲୀର ସରାଫ ବଜାରରେ ସୁନା ପ୍ରତି ଗ୍ରାମ୍ ପିଛା ୫୦୦ ଟଙ୍କାରୁ ଅଧିକ ଟଙ୍କା ଖସିଛି । ସେହିଭଳି ରୂପା ଦର କେଜି ପିଛା ୧, ୬୦୬ ଟଙ୍କା କମିଛି । ବିଶେଷଜ୍ଞଙ୍କ କହିବା କଥା- କରୋନା ଭାଇରସ ଭ୍ୟାକ୍ସିନକୁ ନେଇ ଡେରି ହୋଇପାରେ । କିନ୍ତୁ, ଚିକିତ୍ସାକୁ ନେଇ ଆଶା ସଞ୍ଚାର ହେଉଛି । କେତକ ଥେରାପିର ଭଲ ରେଜଲ୍ଟ ମିଳୁଛି । ଏହାର ପ୍ରଭାବ ପଡ଼ିଛି ଆମେରିକା ଓ ଏସିଆର ବଜାର ଉପରେ । କାରବାର ବଢ଼ୁଥିବା ବେଳେ ନିବେଶକ ସୁନାରେ ଲାଭ ପାଉଛନ୍ତି । ଆଗାମୀ କିଛି ଦିନ ଏଭଳି ସ୍ଥିତି ରହିବ ବୋଲି ଆଶା କରାଯାଉଛି ।
HDFC ସିକ୍ୟୁରିଟିଜ୍ ମୁତାବକ- ମଙ୍ଗଳବାର ଦିଲ୍ଲୀ ସରାଫ ବଜାରରେ ୯୯.୯ ପ୍ରତିଶତ ସୁଦ୍ଧ ସୁନାର ଦର ୧୦ ଗ୍ରାମ୍ ପ୍ରତି ୫୨, ୯୦୭ ଟଙ୍କାରୁ ଖସି ୧୦ ଗ୍ରାମ୍ ପ୍ରତି ୫୨ ହଜାର ୩୫୦ ଟଙ୍କା ରହିଛି । ୧୦ ଗ୍ରାମରେ ମୂଲ୍ୟ ୫୫୭ ଟଙ୍କା ହ୍ରାସ ପାଇଛି । ସେହିଭଳି ମୁମ୍ବାଇରେ ୯୯.୯ ପ୍ରତିଶତ ସୁଦ୍ଧ ସୁନା ଦର ୧୦ ଗ୍ରାମ୍ ପ୍ରତି ୫୧ ହଜାର ୬୨୮ ଟଙ୍କା ରହିଛି ।
ଅନ୍ୟପଟେ ରୂପା ମୂଲ୍ୟ ମଙ୍ଗଳବାର ଦିଲ୍ଲୀରେ କେଜି ପିଛା ୬୮ ହଜାର ୩୪୨ ଟଙ୍କାରୁ ଖସି ୬୬ ହଜାର ୭୩୬ ଟଙ୍କା ରହିଛି । ରୂପା ଦର କେଜି ପିଛା ୧ ହଜାର ୬୦୬ ଟଙ୍କା ହ୍ରାସ ପାଇଛି । ମୁମ୍ବାଇରେ ରୂପା ମୂଲ୍ୟ କେଜି ପିଛା ୬୪ ହଜାର ୮୮୧ ଟଙ୍କାକୁ ଖସି ଆସିଛି ।
