ଟ୍ରକ୍ରେ ହେଉଥିଲା ଗଞ୍ଜେଇ ଚୋରା ଚାଲାଣ, ୫ କ୍ୱିଣ୍ଟାଲରୁ ଅଧିକ ଗଞ୍ଜେଇ ଜବତ କଲା ପୋଲିସ
ଗୁଣୁପୁର, ରାୟଗଡ଼ା ଜିଲ୍ଲା ପଦ୍ମପୁର ପୋଲିସକୁ ବଡ଼ ଧରଣର ସଫଳତା। ଗଞ୍ଜେଇ ଚୋରା ଚାଲାଣ ବେଳେ ୩ ଜଣଙ୍କୁ ଗିରଫ କରାଯାଇଛି। ମିଳିଥିବା ସୂଚନା ଅନୁଯାୟୀ ପଦ୍ମପୁର ଖମ୍ବାରୀଗୁଡା ଛକ ନିକଟରେ ପୋଲିସ ତରଫରୁ ଯାନବାହନ ଯାଞ୍ଚ କରାଯାଉଥିବା ବେଳେ ଏକ ଟ୍ରକ ରେ ବିପୁଳ ପରିମାଣରେ ଗଞ୍ଜେଇ ଚୋରା ଚାଲାଣ କରାଯାଉଥିବା ପୋଲିସ ନଜରକୁ ଆସିଥିଲା ।
୧୪ ଟି ବସ୍ତାରେ ୫ କ୍ୱିଣ୍ଟାଲ ୬୩ କେଜି ଗଞ୍ଜେଇ ସହ, ଚାଲାଣ ହେଉଥିବା ଟ୍ରକ, ତିନୋଟି ମୋବାଇଲ ଓ ଏକ ଲକ୍ଷରୁ ଅଧିକ ଟଙ୍କା ଜବତ କରିଲା ପୋଲିସ। ଏଥିରେ ସଂପୃକ୍ତ ୩ ଜଣଙ୍କୁ ଗିରଫ କରାଯାଇ ଆଜି ଗୁଣୁପୁର କୋର୍ଟ ଚାଲାଣ କରାଯାଇଛି। ଜବତ ଗଞ୍ଜେଇ ର ଆନୁମାନିକ ମୂଲ୍ୟ ୫୬ ଲକ୍ଷ ୩୦ ହଜାର ଟଙ୍କା ହେବ ବୋଲି ଆକଳନ କରାଯାଇଛି।ଏହି ଗଂଞ୍ଜେଇ ଅଡବାରୁ ରାଇପୁର ଅଭିମୁଖେ ଚାଲାଣ ହେଉଥିଲା। ସୂଚନା ଦେଇଛନ୍ତି ଗୁଣୁପୁର ପୋଲିସ୍ ଏସ୍ଡିପିଓ ରାଜ କିଶୋର ଦାସ।
