ଗୋଟିଏ ବାଇକରେ ଆସୁଥିଲେ ୪ ଜଣ, ଗଛରେ ପିଟି ହୋଇ ୩ ମୃତ

ମାଲକାନଗିରି: ଜୀବନ ନେଉଛି ଅସାବଧାନତା । ୨ ଚକିଆ ଯାନରେ ୨ ଜଣ ବସିବା କଥା । ହେଲେ ଲୋକଙ୍କ ଅମାନିଆ ପଣ ଯୋଗୁଁ ଅକାଳରେ ଝରି ପଡ଼ୁଛି ଜୀବନ । ଏମିତି ଏକ ଦୁର୍ଘଟଣାରେ ୩ ଜଣଙ୍କ ଜୀବନ ଯାଇଛି । ଗୋଟିଏ ବାଇକରେ ବସି ୪ ଜଣ ଆସୁଥିଲେ । ହଠାତ୍ ବାଇକଟି ଭାରସାମ୍ୟ ହରାଇ ଗଛରେ ପିଟି ହୋଇ ଯାଇଥିଲା ।

ଏହି ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କ ଅବସ୍ଥା ସଂକଟାପନ୍ନ ରହିଛି । ଦୁର୍ଘଟଣାଟି ମାଲକାନଗିରି ଜିଲ୍ଲାର ଏମ୍ଭି ୧୬ ନମ୍ବର ଗାଁ ନିକଟରେ ଘଟିଛି । ୪ ଜଣ ଗୋଟିଏ ବାଇକରେ ଏମ୍ଭି ୧୬ରୁ ବାହାରି ମାଲକାନଗିରି ଅଭିମୁଖେ ଯାଉଥିଲେ । ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।