ନୂଆ ଲୁକରେ ଓଡ଼ିଶା ଫାୟାର ବିଗ୍ରେଡ୍, ସୁରକ୍ଷା ସହ ବଢ଼ିବ ଦକ୍ଷତା
ଭୁବନେଶ୍ୱର: ମୁମ୍ବାଇ ଦିଲ୍ଲୀ ଢାଞ୍ଚା ଆପଣାଇଲା ଓଡ଼ିଶା । ନୂଆବର୍ଷରେ ନୂଆ ଲୁକ୍ । ବଦଳିଲା ପୁରୁଣା ପୋଷାକ । ନୂଆ ବର୍ଷରୁ ନୂଆ ପୋଷାକ ପିନ୍ଧିଛନ୍ତି ଅଗ୍ନିଶମ କର୍ମଚାରୀ । ଗୋଟିଏ ପୋଷାକରେ ଦୁଇ ଦୁଇଟି ସେବା ଯୋଗାଇବ । ସୁରକ୍ଷା ସହ ଦକ୍ଷତା ବଢ଼ାଇବ । ଏଭଳି ପୋଷାକ ସବୁଠୁ ଅତ୍ୟାଧୁନିକ, ଦାମୀ ମଧ୍ୟ । ଏହି ପୋଷାକରେ ୩ଟି ଲେୟାର ମଧ୍ୟ ରହି । ଏହାକୁ ଫାୟାର ରେଜିଷ୍ଟାନ୍ସ ସୁଟ୍ କୁହାଯାଉଛି । ଓଡ଼ିଶା ଅଗ୍ନିଶମ କର୍ମଚାରୀ ଏହାକୁ ଆଜିଠାରୁ ପରିଧାନ କରିଛନ୍ତି ।
ପ୍ରାଥମିକ ପର୍ଯ୍ୟାୟରେ ୧୭୦୦ ଡ୍ରେସ୍ ଆସିଛି । କଟକ ଓ ଭୁବନେଶ୍ୱରରେ ସମସ୍ତ କର୍ମଚାରୀଙ୍କୁ ଦିଆଯାଇଛି । ଆଗକୁ ସବୁ ଜିଲ୍ଲାର ଅଗ୍ନିଶମ କର୍ମଚାରୀଙ୍କୁ ଫାୟାର ରେଜିଷ୍ଟାନ୍ସ ସୁଟ୍ ଦିଆଯିବ । ଏଥିରେ ୧୦ କିଲୋ ଓଜନର ଜୋତା ଥିବାବେଳେ ଥ୍ରୀ ଲେୟରର ଜ୍ୟାକେଟ୍ ରହିଛି । ମୁଣ୍ଡରେ ଏକ କେଜିର ଟୋପି ରହିବ । ଏମିତି ମୋଟ ପୋଷାକର ଦାମ ହେଉଛି ୪୫ ହଜାର ଟଙ୍କା । ପୋଷାକରେ ରେଡିୟମ୍ ଲାଗିଛି । ଅନ୍ଧାର ଧୂଆଁ ମଧ୍ୟରେ ଜଣେ କର୍ମଚାରୀ ମଧ୍ୟ ଅନ୍ୟ ଜଣଙ୍କୁ ଦେଖିପାରିବେ ।
