ମୁମ୍ବାଇ କାହାର ? ସଞ୍ଜୟ-କଙ୍ଗନାଙ୍କ ମଧ୍ୟରେ ଟ୍ୱିଟ୍ ଯୁଦ୍ଧ

1 min read

ମୁମ୍ବାଇ: ଅଭିନେତ୍ରୀ କଙ୍ଗନା ରଣାୱତ ଓ ଶିବସେନା ନେତା ସଞ୍ଜୟ ରାୱତଙ୍କ ମଧ୍ୟରେ ତୁ ତୁ ମେଁ ମେଁ ଜାରି ରହିଛି । ଜଣେ ପାଟି ଖୋଲିବା ବେଳକୁ ଆଉ ଜଣେ ଜିଭରୁ କଥା ଛଡ଼େଇ କରୁଛି କାଉଣ୍ଟର । ମୁମ୍ବାଇକୁ ନେଇ କଙ୍ଗନା ଦେଇଥିବା ବୟାନକୁ ନେଇ ସଞ୍ଜୟ ରାୱତ କାଉଣ୍ଟର ଆଟାକ୍ କରିଛନ୍ତି । ସଞ୍ଜୟ କହିଛନ୍ତି ମୁମ୍ବାଇ ମରାଠୀ ମଣିଷଙ୍କ ବାପାର । ମହାରାଷ୍ଟ୍ରର ଶତ୍ରୁଙ୍କୁ ଶେଷ ନକରି ଶିବସେନା ଚୁପ୍ ରହିବନି ବୋଲି କହିଛନ୍ତି ସଞ୍ଜୟ ।

ଶୁକ୍ରବାର କଙ୍ଗନା ରଣାୱତ କହିଥିଲେ ସେ ସେପ୍ଟେମ୍ବର ୯ରେ ମୁମ୍ବାଇ ପହଞ୍ଚିବେ । ଯଦି କାହା ବାପାର ସାହାସ ଅଛି ତ ମୋତେ ଅଟକାଅ । କଙ୍ଗନାଙ୍କ ଏହି ବୟାନର ଜବାବ ଦେଇ ସଞ୍ଜୟ ରାୱତ ଟ୍ୱିଟ୍ କରି ଲେଖଥିଲେ- ମୁମ୍ବାଇ ମରାଠୀ ମଣିଷଙ୍କ ବାପାର । ଯାହାଙ୍କୁ ଏହା ପସନ୍ଦ ଆସୁନି, ସେ କୁହନ୍ତୁ ତାହାଲେ ବାପା କିଏ ? ଏତିକି ନୁହେଁ ସଞ୍ଜୟ ଆହୁରି ଲେଖଥିଲେ ମହାରାଷ୍ଟ୍ରର ଶତ୍ରୁଙ୍କୁ ଶେଷ ନକରିବା ଯାଏଁ ଚୁପ୍ ରହିବୁନି । ଏହି ଲାଇନ୍ ସହ ସଞ୍ଜୟ ‘ପ୍ରମିଜ୍’ ଲେଖିଥିଲେ ।

କଣ କହିଥିଲେ କଙ୍ଗନା ?

ଏହା ପୂର୍ବରୁ କଙ୍ଗନା ରଣାୱତ ଟ୍ୱିଟ୍ କରି ଲେଖିଥିଲେ- ମୁଁ ଦେଖୁଛି କେତେ ଜଣ ଲୋକ ମୋତେ ମୁମ୍ବାଇ ଫେରିବା ନେଇ ଧମକ ଦେଉଛନ୍ତି । ଏଥିପାଇଁ ମୁଁ ନିଷ୍ପତ୍ତି ନେଇଛି ସେପ୍ଟେମ୍ବର ୯କୁ ମୁମ୍ବାଇ ଯିବ । ମୁଁ ମୁମ୍ବାଇ ବିମାନବନ୍ଦରରେ ପହଞ୍ଚିବା ପରେ ଟାଇମ୍ ପୋଷ୍ଟ କରିବି । ଯଦି କାହାର ବାପାର ସାହାସ ଅଛି ତ ମୋତେ ଅଟକାଅ ।

କଙ୍ଗନାଙ୍କ ଏହି ପୋଷ୍ଟକୁ ନେଇ ଆରମ୍ଭ ହୋଇଥିଲା ଟ୍ୱିଟ୍ ଯୁଦ୍ଧ । ସଞ୍ଜୟଙ୍କ ପରେ ଏହି ଯୁଦ୍ଧକୁ ରାଜ ଠାକରେଙ୍କ ଦଳ ମହାରାଷ୍ଟ୍ର ନବନିର୍ମାଣ ସେନା ମଧ୍ୟ ଲମ୍ଫ ମାରିଛି । ମହାରାଷ୍ଟ୍ର ନବନିର୍ମାଣ ସେନା ପକ୍ଷରୁ କୁହାଯାଇଛି- କଙ୍ଗନା ପିଓକେ ସହ ମୁମ୍ବାଇକୁ ତୁଳନା କରିଥିବାରୁ ତାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ ହେଉ ।

ଶିବସେନା ନେତା ଅନୀଲ ପରବ ମଧ୍ୟ କଙ୍ଗନା ରଣାୱତଙ୍କୁ ଟାର୍ଗେଟ୍ କରିଛନ୍ତି । ସୁଶାନ୍ତ ସିଂହ ରାଜପୁତ ମାମଲାରେ ସିବିଆଇ ମୁମ୍ବାଇ ଆସିଛି । କିନ୍ତୁ କଙ୍ଗନା ଯାଞ୍ଚ ଏଜେନ୍ସିକୁ ଏବେ ଯାଏଁ କୌଣସି ତଥ୍ୟ କି ସୂଚନା ଦେଇନାହାଁନ୍ତି । ସେ କେବଳ ଟ୍ୱିଟ୍ କରୁଛନ୍ତି । ଅନୀଲ ସଞ୍ଜୟଙ୍କୁ ସମର୍ଥନ କରିବା ସହିତ ସେ ଯାହା କହିଛନ୍ତି ଠିକ୍ ବୋଲି କହିଛନ୍ତି ।

Leave a Reply