ତାମିଲନାଡୁର ନେୟବେଲୀ ପାୱର ପ୍ଲାଣ୍ଟରେ ବିସ୍ଫୋରଣ, ୬ ମୃତ, ୧୭ ଗୁରୁତର

2 min read

ତାମିଲନାଡୁ: ତାମିଲନାଡ଼ୁର କୁଡ୍ଡାଲୋର ଜିଲ୍ଲାରେ ସ୍ଥିତ ନେୟବେଲୀ ପାୱର ପ୍ଲାଣ୍ଟର ବଏଲର ଷ୍ଟେଜ-୨ରେ ବିସ୍ଫୋରଣ ହେବା କାରଣରୁ ୪ ଜଣଙ୍କର ମୃତ୍ୟୁ ହେବା ସହିତ ୧୭ ଜଣ ଆହତ ହୋଇଛନ୍ତି  । ୧୭ ଜଣ ଆହତ ଲୋକଙ୍କୁ ଏଗ୍ନାଇଟ ହସ୍ପିଟାଲକୁ ନିଆଯାଇଛି ।

ଏଯାବତ ବିସ୍ଫୋରଣ କାରଣ ଜଣାପଡ଼ିନାହିଁ । ଏହି ବିସ୍ଫୋରଣ କୁଡ୍ଡାଲୋରର ନେୟବେଲୀ ଲିଗ୍ନାଇଟ କର୍ପୋରେସନର ଏକ ବଏଲରରେ ହୋଇଛି । ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ଏହା ସହିତ କୁ଼ଡ୍ଡାଲୋର ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ଉଦ୍ଧାର କାର୍ଯ୍ୟ ପାଇଁ ଘଟଣାସ୍ଥଳରେ ପହଞ୍ଚିଛନ୍ତି  ।

ଜଣାଇ ରଖୁଛୁ ଯେ, କୁଡ୍ଡାଲୋର ରାଜଧାନୀ ଚେନ୍ନାଇରୁ ୧୮୦ କିମି ଦୂରରେ ଅବସ୍ଥିତ । ଏଠାରେ ସାତ ୟୁନିଟରେ ୧୪୭୦ ମେଗାୱାଟ ବିଜୁଳିର ଉତ୍ପାଦନ ହୋଇଥାଏ । ଏକ ୟୁନିଟରେ ବ୍ଲାଷ୍ଟ ହୋଇଛି । ଯେଉଁଥିପାଇଁ ବଡ଼ ଧରଣର ଅଗ୍ନିକାଣ୍ଡ ହୋଇଥିଲା । ବର୍ତ୍ତମାନ ନିଆଁ ଉପରେ ନିୟନ୍ତ୍ରଣ ପାଇଁ ଚେଷ୍ଟା ଚାଲିଛି ।

ତାମିଲନାଡୁର ନେଭେଲି ପାୱାର ପ୍ଲାଣ୍ଟ ବଏଲରରେ ବିସ୍ଫୋରଣରେ ଜୀବନ ହାନି ବିଷୟରେ ଜାଣି ଗୃହମନ୍ତ୍ରୀ ଅମିତ ଶାହା ମୁଖ୍ୟମନ୍ତ୍ରୀ  କେ. ପାଲାନିସ୍ୱାମୀଙ୍କ ସହିତ କଥା ହୋଇଛନ୍ତି ଏବଂ ସମସ୍ତ ସମ୍ଭାବ୍ୟ ସାହାଯ୍ୟ ନିଶ୍ଚିତ କରିଛନ୍ତି । ରିଲିଫ୍ କାର୍ଯ୍ୟରେ ସହାୟତା କରିବାକୁ ଘଟଣାସ୍ଥଳରେ CISF ପଠାଯାଇଛି ।  ଆହତଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରିଛନ୍ତି ଗୃହମନ୍ତ୍ରୀ ଅମିତ ଶାହା ।

Leave a Reply