ଶ୍ରୀକ୍ଷେତ୍ରରେ ଉଚ୍ଛେଦ କାର୍ଯ୍ୟ ଜାରି, ବାଦବିବାଦ ପରେ ଭଙ୍ଗାହେଲା ମଙ୍ଗୁମଠ
ପୁରୀ : ଶ୍ରୀକ୍ଷେତ୍ରରେ ଗତ ୩ ତାରିଖଠାରୁ ଉଚ୍ଛେଦ କାର୍ଯ୍ୟ ଜାରି ରହିଛି । ବହୁ ବାଦବିବାଦ ପରେ ଉଛେଦ ହୋଇଛି ମଙ୍ଗୁମଠ । ଗତକାଲି ସିଂହଦ୍ୱାର ସମ୍ମୁଖ ଏମାର ମଠର ବଳକା କିଛି ଅଂଶ ଉଛେଦ କରାଯାଇଥିଲା ।
ତେବେ ଆଜି ମଙ୍ଗୁମଠରେ ଥିବା ବ୍ୟବସାୟିକ ପ୍ରତିଷ୍ଠାନକୁ ପ୍ରଶାସନ ପକ୍ଷରୁ ଦୁଇଟି ଜେସିବି ସାହାଯ୍ୟରେ ଭାଙ୍ଗିଦିଆଯାଇଛି । ଅନ୍ୟପଟେ ମଠର ଗାଦି ଓ ପିଣ୍ଡି ସୁରକ୍ଷିତ ରଖାଯିବା ସହ ଏହାକୁ ସୌନ୍ଦର୍ଯ୍ୟ କରଣ କରାଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି ।
ବିସ୍ଥାପିତ ହୋଇଥିବା ବ୍ୟବସାୟୀଙ୍କୁ ଥଇଥାନ କରାଯିବା ସହ ବିସ୍ଥାପିତ ମାନଙ୍କୁ ଖୁବ ଶୀଘ୍ର ସହାୟତା ଯୋଗାଇ ଦିଆଯିବ ବୋଲି କହିଛି ପ୍ରଶାସନ । ତେବେ ଉଛେଦ ସ୍ଥାନରେ ବ୍ୟାପକ ପୋଲିସ ଫୋର୍ସ ମୁତୟନ ହୋଇଛନ୍ତି ।
