ବିମାନରେ ଉଡ଼ିବାକୁ ଅନେକ ଆକର୍ଷଣୀୟ ଅଫର୍, ବଡ଼ଙ୍କ ପାଇଁ ଟିକେଟ କାଟିଲେ ପିଲା ଯିବେ ମାଗଣାରେ

ଆବୁଧାବି: କରୋନା ଟିକା ନେବା ପରେ ପରିବାର ସହ ଛୁଟି କାଟିବାକୁ ଚାହୁଁଛନ୍ତି କି ? ତେବେ, ଏବେଠାରୁ ଟିକେଟ କାଟିବା ଯୋଜନା କରୁଛନ୍ତି କି ? ଯଦି ହଁ, ତା’ ହେଲେ ଏବେଠାରୁ ଟିକେଟ୍ କରି ନିଅନ୍ତୁ । କାରଣ ଗୋଟିଏ ନୁହେଁ କି ଦୁଇଟି ପ୍ରାୟ ସମସ୍ତ କମ୍ପାନୀ ଗ୍ରାହକଙ୍କୁ ଆକର୍ଷଣ କରିବା ପାଇଁ ନାନା ପ୍ରକାର ଯୋଜନା ଆପଣାଇଛନ୍ତି । ଏପରିକି ଦୁବାଇ ବୁଲିବାକୁ ଥିଲେ ଗୋଟିଏ ଟିକେଟରେ ଆଉ ଗୋଟିଏ ମାଗଣା ଘୋଷଣା ବି କରାଯାଉଛି । ଅର୍ଥାତ୍ ଯଦି ଆପଣ ଛୁଆକୁ ସାଙ୍ଗରେ ନେଇ ଯିବାକୁ ଚାହୁଁଛନ୍ତି ତେବେ ତାଙ୍କ ପାଇଁ କୌଣସି କିକେଟ୍ ଖର୍ଚ୍ଚ କରିବାକୁ ପଡ଼ିବ ନାହିଁ ।

ଦୁବାଇର ଏତିହାଦ୍ ବିମାନ କମ୍ପାନୀ ପକ୍ଷରୁ ଏହି ଘୋଷଣା କରାଯାଇଛି । ଜଣେ ପ୍ରାପ୍ତ ବୟସ୍କ ଟିକେଟରେ ଜଣେ ପିଲାଙ୍କ ପାଇଁ ମାଗଣା ଟିକେଟ ବ୍ୟବସ୍ଥା ରହିଛି । ଅର୍ଥାତ୍ ପରିବାରର ବାପା ଏବଂ ମା’ଙ୍କ ନାଁରେ ଟିକେଟ୍ କଲେ ଦୁଇ ପିଲାଙ୍କୁ ମାଗଣା ଯାତ୍ରା କରିବାକୁ ସୁଯୋଗ ମିଳିବ । ଏହି ଅଫର୍ ୨୮ ଜାନୁୟାରୀ ଯାଏ ରହିଛି । ୩୦ ସେପେଟମ୍ବର ଭିତରେ ଏହି ଯାତ୍ରା ଶେଷ କରିବାକୁ ହେବ ।

ସେହିପରି ଘରୋଇ କ୍ଷେତ୍ରରେ ଯାତ୍ରା କରିବାକୁ ଚାହୁଁଥିଲେ ଇଣ୍ଡିଗୋ କିଛି ଗୁରୁତ୍ୱପୂଣ୍ଣ ଅଫର ଘୋଷଣା କରିଛି । ଇଣ୍ଡିଗୋ ପକ୍ଷରୁ ସର୍ବନିମ୍ନ ୮୭୭ ଟଙ୍କିଆ ପ୍ୟାକେଜ୍ ଘୋଷଣା କରାଯାଇଛି । ଏହା ସମସ୍ତ ଟିକସ ସହ ରହିଛି । ଦିନକୁ ଦିନ ବିମାନ ଯାତ୍ରାରେ ଯାତ୍ରୀଙ୍କ ସଂଖ୍ୟା କମୁଥିବା ଲକ୍ଷ୍ୟ କରି ଏଭଳି ଆକର୍ଷଣୀୟ ଅଫର ଘୋଷଣା  କରାଯାଉଛି । ଏହି ଅଫର ଭିତ୍ତିକ କମ୍ ଯାତ୍ରୀଭଡ଼ା ଏବଂ ଟିକାକରଣ ପରବର୍ତ୍ତୀ ସମୟରେ ଆତ୍ମ ବିଶ୍ୱାସ ବୃଦ୍ଧି ବିମାନଯାତ୍ରୀ ସଂଖ୍ୟା ବୃଦ୍ଧିରେ ସହାୟକ ହେବ ବୋଲି ଆଶ କରାଯାଉଛି ।