ବେଗୁନିଆରେ ପୁଣି ହାତୀ ଉପଦ୍ରବ: ଫସଲ ନଷ୍ଟ କରିବା ସହ ଘର ପାଚେରୀ ଭାଙ୍ଗିଲେ ହାତୀ
ଖୋର୍ଦ୍ଧା: କିଛିଦିନ ବ୍ୟବଧାନ ପରେ ପୁଣି ହାତୀ ଉପଦ୍ରବ ଦେଖାଦେଇଛି। ହାତୀପଲଙ୍କ ନଜର ଏଥର ଲୋକଙ୍କ ବାଡ଼ି ବଗିଚାରେ। ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ ଦେଉଳି ଗ୍ରାମପଞ୍ଚାୟତର ଗୋଡା ଗାଁରେ ରାତି ୩ ଟା ସମୟରେ ୨ରୁ୩ ଟି ହାତୀ ଗାଁରେ ପଶି ବହୁ କ୍ଷୟକ୍ଷତି କରିଛନ୍ତି । ଗାଁରେ ଥିବା ଲକ୍ଷ୍ମୀ ସୁନ୍ଦରାୟ , ଭରତ ଚମ୍ପତିଙ୍କ ବାଡ଼ିରେ କରିଥିବା କଦଳୀ ବାଗନା ଦଳି ଚକଟି ନଷ୍ଟ କରିଛନ୍ତି ଏବଂ ସନ୍ତ ସାମନ୍ତରାୟଙ୍କର ପାଚେରୀ ମଧ୍ୟ ଭାଙ୍ଗି ଦେଇଛନ୍ତି । ଏହା ଦେଖି ଗ୍ରାମବାସୀ ମାନେ ଭୟଭୀତ ଅବସ୍ଥାରେ ଅଛନ୍ତି ଗ୍ରାମବାସୀ ବନବିଭାଗକୁ ଫୋନ କଲେ ମଧ୍ୟ ବନ ବିଭାଗ କୌଣସି ଦୃଷ୍ଟି ନିକ୍ଷେପ କରୁନାହାନ୍ତି।
