ଲକ୍ଷାଧିକ ଟଙ୍କାର ନକଲି ଜର୍ଦ୍ଦା ଜବତ: ଅଭିଯୁକ୍ତ ଫେରାର
ଭଦ୍ରକ: ବିପୁଳ ପରିମାଣର ନକଲି ଜର୍ଦ୍ଦା ଜବତ, ଘଟଣାସ୍ଥଳରୁ ଅଭିଯୁକ୍ତ ଫେରାର । ଘଟଣା ଘଟିଛି ଭଦ୍ରକ ସହରାଞ୍ଚଳ ଥାନାର ମଠସାହିରେ । ନକଲି ଜ଼ର୍ଦ୍ଦା ତିଆରି ହେଉଥିବା ଏକ ଘରେ ଚଢାଉ କରି ପୋଲିସ ବିପୁଳ ପରିମାଣର ନକଲି ଜର୍ଦ୍ଦା ଜବତ କରିଛି । ଏହାସହ ବିଭିନ୍ନ କମ୍ପାନୀର ଲୋଗୋ, ଡ଼ବା ଜବତ କରିଛି ପୋଲିସ. ।
ପୋଲିସକୁ ଦେଖି ଘଟଣାସ୍ଥଳରୁ ଅଭିଯୁକ୍ତ ଚମ୍ପଟ ମାରିଥିବା ସୂଚନା ମିଲିଛି । ପ୍ରାୟ ଲକ୍ଷାଧିକ ଟଙ୍କାର ନକଲି ଜ଼ର୍ଦ୍ଦା ଜବତ ହୋଇଥିବା ଜଣାପଡିଛି । ନକଲି ଜ଼ର୍ଦ୍ଦା ର କାରବାର ଦିନ କୁ ଦିନ ବଢ଼ିବାରେ ଲାଗିଛି । ପୁରୁଣାବଜାର ଥାନା ଅଞ୍ଚଳରୁ ପ୍ରତ୍ୟେକ ଦିନ ନକଲି ଜ଼ର୍ଦ୍ଦା ଧରାପଡୁଥିବା ବେଳେ, ଏବେ ସହରାଞ୍ଚଳ ଥାନା ଅଞ୍ଚଳ ରୁ ନକଲି ଜ଼ର୍ଦ୍ଦା ଜବତ ହୋଇଛି ।
