ଭୁବନେଶ୍ୱର ଡିସିପି ଉମାଶଙ୍କର ଦାସ ଓ କଟକ ଡିସିପି ଭାବେ ପ୍ରତୀକ ସିଂହ ନେଲେ ଦାୟିତ୍ୱ

1 min read
Dr. Umashankar Dash & pratik singh Took charge as New DCP in twin city

ଭୁବନେଶ୍ୱର:  ଆଜି ଟ୍ୱିନସିଟିରେ କଟକ-ଭୁବନେଶ୍ୱର ଦାୟିତ୍ୱ ଗ୍ରହଣ କଲେ ଦୁଇ ନୂଆ ଡିସିପି । ଭୁବନେଶ୍ୱର ପୋଲିସ ସେବା ଭବନ ମୁଖ୍ୟାଳୟରେ ଭୁବନେଶ୍ୱର ଡିସିପି ଉମାଶଙ୍କର ଦାସ ଓ କଟକ ଡିସିପି ଭାବରେ ପ୍ରତୀକ ସିଂହ ଦାୟିତ୍ୱ ଗ୍ରହଣ କରିଛନ୍ତି । ଅପରାହ୍ନରେ କଟକ ଡିସିପି ଅଖିଳେଶ୍ୱର ସିଂହ ଓ ଭୁବନେଶ୍ୱର ଅତିରିକ୍ତ ପୋଲିସ କମିଶନର ଅନୁପ ସାହୁ ଦୁଇ ନୂଆ ଡିସିପିଙ୍କୁ ସ୍ୱାଗତ କରିବା ସହ ଦାୟିତ୍ୱ ଭାର ନ୍ୟସ୍ତ କରିଛନ୍ତି । ଉମାଶଙ୍କର ଦାସ ହେଉଛନ୍ତି ୨୦୦୮ ବ୍ୟାଚର ଆଇପିଏସ ଅଫିସର । ଉମାଶଙ୍କର ପୂର୍ବରୁ ରାଉରକେଲା, ପୁରୀରେ ଏସପି ଭାବେ ଦକ୍ଷତାର ସହ କାର୍ଯ୍ୟ ତୁଲାଇଛନ୍ତି।

କୋଭିଡ୍ କଟକଣାରେ ରଥଯାତ୍ରାରେ ସୁପରିଚାଳନା, ଆଇନ ଶୃଙ୍ଖଳା ନିୟନ୍ତ୍ରଣ,ଓ ଅପରାଧୀ ଦମନରେ ବେଶ ସଫଳତା ହାସଲ କରିଛନ୍ତି ଉମାଶଙ୍କର । ସେହିଭଳି ପ୍ରତୀକ ସିଂହ ହେଉଛନ୍ତି ୨୦୧୪ ବ୍ୟାଚର ଆଇପିଏସ ଅଫିସର । ପ୍ରତୀକ କନ୍ଧମାଳରେ ଏସପି ଥିବା ବେଳେ ମାଓ ଦମନରେ ସଫଳତା ହାସଲ କରିଛନ୍ତି। ଏସପି କାର୍ଯ୍ୟକାଳରେ ମାଓ ଅପରସେନରେ ଦୁର୍ଦ୍ଦାନ୍ତ ମାଓବାଦୀଙ୍କୁ ନିହତ କରାଯାଇଛି । ଉଭୟ ଡିସିପି ଭାବରେ ଦାୟିତ୍ୱ ନେବା ପରେ ସହର ସମ୍ଭାଳିବା ଚ୍ୟାଲେଞ୍ଜ ହେବ। ସେହିଭଳି ଉଭୟ ଦୁଇ ବିଦାୟୀ ଡିସିପି ଅଖିଳେଶ୍ୱର ସିଂହ ଓ ଅନୁପ ସାହୁଙ୍କ ବିଦାୟ ସମ୍ବର୍ଦ୍ଧନା ପୋଲିସ କମିଶନର ଦେବେ ।

(ନନ୍ଦିଘୋଷ ବ୍ୟୁରୋ)

Leave a Reply