ସମାଜସେବୀ ଆଦିତ୍ୟ ଦାଶ ମୃତ୍ୟୁ ମାମଲା : ତଦନ୍ତରେ ବ୍ରେକ୍ ଲଗାଇଲା କରୋନା

ଭୁବନେଶ୍ୱର: ସମାଜସେବୀ ଆଦିତ୍ୟ ଦାଶ ମୃତ୍ୟୁ ମାମଲା । ତଦନ୍ତରେ ଲାଗିଲା ବ୍ରେକ୍ । ସମାଜସେବୀ ଆଦିତ୍ୟ ଦାଶଙ୍କ ମୃତ୍ୟୁକୁ ନେଇ ରହସ୍ୟ ଉପରୁ ପରଦା ଉଠିବା କାଠିକର ପାଠ ହେଲାଣି । କିନ୍ତୁ ଘଟଣାକୁ ନେଇ ସବିଶେଷ ତଥ୍ୟ ବାହାରି ପାରୁନାହିଁ । ହତ୍ୟା ନା ଆତ୍ମହତ୍ୟା ସେନେଇ ସସପେନ୍ସ ଜାରି ରହିଥିବା ବେଳେ ଏବେ କରୋନା ତଦନ୍ତରେ ବାଧା ସୃଷ୍ଟି କରିଛି ।

ଭୁବନେଶ୍ଵର ରେଳବାଇ ଥାନାରୁ ଜଣେ ସବ୍ ଇନ୍ସପେକ୍ଟର କୋରୋନା ପଜିଟିଭ୍ ଚିହ୍ନଟ ହେବା ପରେ ସମସ୍ତ ଥାନା କର୍ମଚାରୀଙ୍କୁ ହୋମ କ୍ଵାରେନଟାଇନରେ ରହିବାକୁ ନିର୍ଦ୍ଦେଶ ଦେଇଛନ୍ତି ରେଳବାଇ ଏସପି  । ସବ୍ ଇନ୍ସପେକ୍ଟର ଜଣକ କିଛି ଦିନ ତଳେ କଟକରୁ ବଦଳି ହୋଇ ଭୁବନେଶ୍ଵର ଆସିଥିଲେ । ୪ରୁ ୫ ଦିନ ପୂର୍ବରୁ ତାଙ୍କୁ ଜ୍ଵର ହୋଇଥିଲା  । ସେ ମେଡିସିନ ଖାଇ ଥାନାକୁ ଡ୍ୟୁଟିକୁ ଆସୁଥିଲେ । ଗତକାଲି  ତାଙ୍କର ପଜିଟିଭ ବାହାରିବା ପରେ ଥାନାରେ ଆତଙ୍କ ଦେଖାଦେଇଛି ।

ସବୁ  କର୍ମଚାରୀଙ୍କୁ ହୋମ କ୍ୱାରେଣ୍ଟାଇନରେ ରହିବା ପାଇଁ କୁହାଯାଇଛି । ଫଳରେ ଆଦିତ୍ୟ ମୃତ୍ୟୁ ମାମଲାର ତଦନ୍ତରେ ବାଧା ସୃଷ୍ଟି ହେବା ଆଶଙ୍କା ଦେଖା ଦେଇଛି  । ତଦନ୍ତ ପାଇଁ ରେଳବାଇ ପୋଲିସ ଆଉ କିଛି ସାକ୍ଷୀଙ୍କୁ ଜେରା କରିଥାନ୍ତା । ଅନ୍ୟପଟେ ତଦନ୍ତକାରୀ ଅଫିସର ଘରେ ରହି କାଗଜପତ୍ର କାମ କରୁଥିବା ଜଣାପଡିଛି ।

( ଭୁବନେଶ୍ୱରରୁ ଅରୁଣ ସାହୁ )

Leave a Reply