କଟକଣା ଭିତରେ ପାଳନ ହେବ ଢ଼େଙ୍କାନାଳ ଲକ୍ଷ୍ମୀ ପୂଜା, ନିରାଡମ୍ବର ପୂଜା ସହ ଲାଗିବନି ଲାଇଟ୍ ବାଜିବନି ବାଜା
1 min read
ଢ଼େଙ୍କାନାଳ: ମହାମାରୀ ପାଇଁ ନିରାଡ଼ମ୍ବର ଭାବେ ପାଳିତ ହେବ ଚଳିତ ବର୍ଷ ଗଜଳଷ୍ମୀ ପୂଜା । ୩୮ଟି ପୂଜା ମଣ୍ଡପରେ ପୂଜା ପାଇବେ ମା ଲଷ୍ମୀ । କୋଭିଡ ନିୟମ ଓ ସରକାରଙ୍କ ଅନୁସାରେ ପୂଜା କମିଟି ପକ୍ଷରୁ ଆୟୋଜନ ହେବ ପୂଜ ମଣ୍ଡପ ।
ଏଥର ଗଜଲକ୍ଷ୍ମୀ ପୂଜା ଯାତ୍ରାରେ ନାଁ ବସିବ ବଜାର ନାଁ ଲାଗିବ ଦୋଳି । ବାହାରୁ ଆସୁଥିବା ବ୍ୟବସାୟୀଙ୍କୁ ବି ବାରଣ କରାଯାଇଛି । କେବଳ ସ୍ଥାୟୀ ଦୋକାନ ଗୁଡିକ ଛଡା ଆଉ କୌଣସି ଉଠା ଦୋକାନୀଙ୍କୁ ପୂଜାରେ ଆସିବା ପାଇଁ କମିଟି ପକ୍ଷରୁ ମନା କରାଯାଇଛି । କେବଳ ସେତିକି ନୁହେଁ ପୂଜା ପରେ ଭସାଣ ବି ନିରାଡମ୍ବର ଭାବେ କରିବାକୁ ନିଷ୍ପତ୍ତି ହୋଇଛି ।
ଏପଟେ ପୂଜାକୁ ଆଉ ଅଳ୍ପ ଦିନ ଥିବାରୁ ସୁନିଆ ଦିବସରେ ମାଆଙ୍କ ମାଟି ଉଠା କାର୍ଯ୍ୟକ୍ରମ ଶେଷ ହୋଇଛି । କେବଳ ମୂର୍ତ୍ତି ନିର୍ମାଣ କରାଯାଇ ମାଁଙ୍କ ୧୦ ଦିନିଆ ପୂଜା ବିଧିକୁ ପାଳନ କରାଯିବ । ମଣ୍ଡପ ଗୁଡିକରେ କେବଳ ପୂଜା କମିଟିର କିଛି ଲୋକଙ୍କ ଛଡା ଭିଡ଼କୁ ସମ୍ପୂର୍ଣ ରୂପେ ବାରଣ କରାଯାଇଛି । ରାସ୍ତା ଘାଟରେ କୌଣସି ସାଜ ସଜା ଜନିତ ଲାଇଟ ମଧ୍ୟ ଲଗାଯିବ ନାହିଁ ବୋଲି ନିଷ୍ପତ୍ତି ହୋଇଛି । ମଣ୍ଡପ ଗୁଡିକରୁ ଭକ୍ତଙ୍କୁ କିପରି ଦୁରେଇ ରଖାଯାଇ ପାରିବ ସେନେଇ ଏବେ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିବାରେ ବ୍ୟସ୍ତ ପୂଜା କମିଟିର କର୍ମକର୍ତା ।
