ଆଜିଠୁ ଢେଙ୍କାନାଳ ଭୁବନ ଏନଏସି ସଟଡାଉନ

ଢେଙ୍କାନାଳ: ଆଜିଠୁ ଢେଙ୍କାନାଳ ଭୁବନ ଏନଏସି ସଟଡାଉନ । ଭୁବନ ବ୍ଲକରେ ଭୟଙ୍କର ହେବାରେ ଲାଗିଛି ମହାମାରୀ। ଶହେ ସାତ ପଜିଟିଭ ମଧ୍ୟରୁ କେବଳ ଭୁବନ ଏନଏସିରୁ ୯୦ ଚିହ୍ନଟ ହୋଇଥିବା ବେଳେ ବ୍ଲକରୁ ୭ ଜଣ ଚିହ୍ନଟ ହୋଇଛନ୍ତି । ଫଳରେ ଏହାକୁ ମିଶାଇ କରୋନା ସଂକ୍ରମିତଙ୍କ ସଖ୍ୟା ୬୬୫ରେ ପହଁଚିଛି । ତେବେ ମୋଟ୍ ଆକ୍ରାନ୍ତଙ୍କ ମଧ୍ୟରୁ ୩୫୧ ଜଣ ସୁସ୍ଥହୋଇ ଘରକୁ ଫେରିଛନ୍ତି ।

ତେବେ ୯୭ କରୋନା ପଜିଟିଭ୍ ଚିହ୍ନଟ ପରେ ମଧ୍ୟ ପରିବା ମାର୍କେଟରେ ଗହଳି ଦେଖିବାକୁ ମିଳିଛି। ଫଳରେ ସଂକ୍ରମଣରେ ବ୍ରେକ୍ ଲଗାଇବା ପାଇଁ ତିନିଦିନ ଯାଏ ଏନଏସିକୁ ସଟଡାଉନ ଘୋଷଣା କରାଯାଇଛି । ସଟଡାଉନ ସମୟରେ ଅତ୍ୟାବଶ୍ୟକୀୟ ସେବାକୁ ଛାଡି ବାକି ସବୁ ବନ୍ଦ ରହିଛି।

ସେହିପରି ଭାବରେ ରାଜ୍ୟରେ ସୋମବାର ଦିନ ୧୫୨୮ ଜଣ ସଂକ୍ରମିତ ଚିହ୍ନଟ ହୋଇଥିଲେ । ପୂର୍ବରୁ ଶତାଧିକ କରୋନା ପଜିଟିଭ୍ ଚିହ୍ନଟ ହେଉଥିବା ବେଳେ ଏବେ ଦିନକରେ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଯଦିଓ ପୂର୍ବରୁ ସ୍ଥାନୀୟ ସଂକ୍ରମଣ କମ ରହୁଥିଲା କିନ୍ତୁ ଏବେ ବଢୁଥିବା ସ୍ଥାନୀୟ ସଂକ୍ରମଣ ଚିନ୍ତା ବଢାଇଛି । ଏଥିମଧ୍ୟରୁ ୯୪୮ ଟି କେସ୍ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ଅବଶିଷ୍ଟ ୫୮୦ଟି ମାମଲା ସ୍ଥାନୀୟ ସଂକ୍ରମଣ ବୋଲି ଜଣାପଡ଼ିଛି ।