ନୂଆଦିଲ୍ଲୀରେ ଲାଗୁ ହେବନି ଲକଡାଉନ୍, ସଂକ୍ରମଣ ବୃଦ୍ଧି ଭିତରେ କେଜ୍ରିୱାଲଙ୍କ ବୟାନ..

ନୂଆଦିଲ୍ଲୀ: କରୋନା ଭାଇରସ ସଂକ୍ରମଣ ବୃଦ୍ଧି ମଧ୍ୟରେ ରାଜଧାନୀ ଦିଲ୍ଲୀରେ ପୁଣିଥରେ ଲକଡାଉନ୍ ଲାଗୁ ହେବ ନାହିଁ ବୋଲି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସ୍ପଷ୍ଟ କରିଦେଇଛନ୍ତି । ସିଏମ୍ କେଜ୍ରିୱାଲ୍ ଏନେଇ ଟ୍ୱିଟ୍ କରିଛନ୍ତି । ଲକଡାଉନ୍ ପୁଣି ଲାଗୁ ହେବ ବୋଲି ମିଡିଆ ଓ ସୋସିଆଲ ମିଡିଆରେ ଚର୍ଚ୍ଚା ହେଉଛି । ଦିଲ୍ଲୀ ସରକାର ପୁଣିଥରେ ଲକଡାଉନ୍ ଲାଗୁ କରିବା ପାଇଁ ଯୋଜନା କରୁଛି ବୋଲି ଆଲୋଚନା ହେଉଛି । କିନ୍ତୁ ମୁଁ ଲୋକଙ୍କୁ କହିବାକୁ ଚାହୁଁଛି ଯେ, ଦିଲ୍ଲୀ ସରକାରଙ୍କର ଏଭଳି କୌଣସି ଯୋଜନା ନାହିଁ । ଦିଲ୍ଲୀରେ କରୋନା ସଂକ୍ରମିତଙ୍କ ସଂଖ୍ୟା ବଢିବାକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସହ ଆଲୋଚନା ପରେ କେଜ୍ରିୱାଲ ଏହି ଟ୍ୱିଟ୍ କରିଛନ୍ତି

Many people are speculating whether another lockdown in Delhi in being planned. There are no such plans.

— Arvind Kejriwal (@ArvindKejriwal) June 15, 2020

ସୂଚନାଯୋଗ୍ୟ ଯେ, ଗତ କିଛିଦିନ ଧରି ଦିଲ୍ଲୀରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏହାକୁ ନେଇ ଦିଲ୍ଲୀରେ ପୁଣିଥରେ ଲକଡାଉନ୍ ଲାଗୁ କରାଯାଇପାରେ ବୋଲି ଆଶଙ୍କା ପ୍ରକାଶ ପାଉଥିଲା । ବିଶେଷକରି କେନ୍ଦ୍ର ଗୃହମନ୍ତ୍ରୀଙ୍କ ସହ ଆଲୋଚନା ପରେ ଏହାକୁ ନେଇ ଆଶଙ୍କା ବ୍ୟକ୍ତ କରାଯାଉଥିଲା । ତେବେ ସିଏମ୍ ସିଧାସଳଖ ଟ୍ୱିଟ୍ କରି ଏଭଳି ଆଶଙ୍କାକୁ ଖାରଜ କରିଦେଇଛନ୍ତି ।