ବିସିସିଆଇ ଚୟନ କମିଟିର ସଦସ୍ୟ ଭାବେ ନିଯୁକ୍ତି ପାଇଲେ ପୂର୍ବତନ ପେସ୍ ବୋଲର ଦେବାଶିଷ ମହାନ୍ତି
ଭୁବନେଶ୍ୱର: ଓଡ଼ିଶା କ୍ରିକେଟପ୍ରେମୀଙ୍କ ପାଇଁ ଖୁସି ଖବର। ଭାରତ ତଥା ଓଡ଼ିଶାର ପୂର୍ବତନ ପେସ୍ ବୋଲର ଦେବାଶିଷ ମହାନ୍ତି ବିସିସିଆଇ ଚୟନ କମିଟିର ସଦସ୍ୟ ଭାବେ ନିଯୁକ୍ତ ହୋଇଛନ୍ତି । ଆଗାମୀ ଦିନରେ ପ୍ରଦର୍ଶନ ଅନୁସାରେ ଟିମ ଚୟନ ହେବ ବୋଲି ଦେବାଶିଷ କହିଛନ୍ତି । କେବଳ କିଛି ରାଜ୍ୟ ନୁହେଁ ସାରା ଦେଶରୁ ପ୍ରଦର୍ଶନ ଅନୁଯାୟୀ ଦଳ ଚୟନ ହେବା ନେଇ ସେ କହିଛନ୍ତି ।
ଓଡ଼ିଶାରେ ଅନେକ ଭଲ ଖେଳାଳି ଅଛନ୍ତି , ବର୍ତ୍ତମାନ ରାଜେଶ ମହାନ୍ତି ଓ ଶୁଭ୍ରାଂଶୁ ସେନାପତି ଭଲ ଖେଳୁଛନ୍ତି, ଏହି ଦୁଇଜଣଙ୍କ ଉପରେ ନଜର ରହିବ ବୋଲି ଦେବାଶିଷ କହିଛନ୍ତି । ଓଡ଼ିଶା କ୍ରିକେଟର୍ଙ୍କ ପାଇଁ ନୂଆ ସମ୍ଭାବନା ରହିଛି, ଯଦି ଜଣେ ଭଲ ଖେଳିବ ତେବେ ତାଙ୍କ ପାଇଁ ସୁଯୋଗ ଅଛି । ଦେବାଶିଷ ମହାନ୍ତିଙ୍କୁ ବରିଷ୍ଠ ଚୟନକର୍ତ୍ତା ଭାବେ ନୂଆ ଦାୟିତ୍ବ ମିଳିଥିବାରୁ ତାଙ୍କୁ ଏବେ ପ୍ରଶ˚ସାର ସୁଅ ଛୁଟୁଛି। ଆଗାମୀ ଦିନରେ ଭଲ ଟିମ ଗଠନ କରିବା ତାଙ୍କର ମୁଖ ଲକ୍ଷ୍ୟ ରହିବ ବୋଲି ଦେବାଶିଷ କହିଛନ୍ତି।….
