କଟକ IIFLରୁ ଲୁଟ ଘଟଣା, ବ୍ୟାଙ୍କ ପକ୍ଷରୁ ଥାନାରେ ଦିଆଗଲା ଏତଲା

1 min read

କଟକ: କଟକ ନୟାସଡକ ଆଇଆଇଏଫଏଲ ଫାଇନାନ୍ସରୁ ଲୁଟ ଘଟଣା। ବ୍ୟାଙ୍କ ପକ୍ଷରୁ ଥାନାରେ ଏତଲା ଦିଆଯାଇଛି । ପୋଲିସ ତଦନ୍ତକୁ ବ୍ୟାଙ୍କ ପକ୍ଷରୁ ସହଯୋଗ ଦିଆଯାଇଛି । ବ୍ୟାଙ୍କ ରେ ଘରୋଇ ସୁରକ୍ଷା ବଢାଯାଇଛି ଏହାସହ ଖୁବ୍ ଶୀଘ୍ର ଅପରାଧୀ ମାନେ ଧରାପଡିବେ ବୋଲି ବ୍ୟାଙ୍କ ମ୍ୟାନେଜର କହିଛନ୍ତି । ଗତକାଲି ସକାଳେ ଘରୋଇ ସୁନା ଲୋନ ପ୍ରଦାନକାରୀ ବ୍ୟାଙ୍କ IIFLକୁ ପଶିଥିଲେ ୪ ଡକାୟତ । ବନ୍ଧୁକ ମୁନରେ ସମସ୍ତ ବ୍ୟାଙ୍କ କମର୍ଚାରୀକୁ ଭୟଭୀତ କରିବା ସହ ଆକ୍ରମଣ କରିଥିଲେ ।

ପରେ ବ୍ୟାଙ୍କରେ ଥିବା ୧୨କୋଟି ମୂଲ୍ୟର ସୁନା ଓ ୪ ଲକ୍ଷରୁ ଅଧିକ ଟଙ୍କା ନେଇ ଚମ୍ପଟ ମାରିଥିଲେ ଦୁର୍ବୃତ୍ତ  । ଖବର ପାଇବା ପରେ ଘଟଣା ସ୍ଥଳରେ ଟିମ ସହ ପହଞ୍ଚି ତଦନ୍ତ କରିଥିଲେ ପୋଲିସ କମିଶନର ଓ ଡିସିପି । ଅଭିଯୁକ୍ତଙ୍କୁ ଧରିବା ପାଇଁ ତିନିଟି ତଦନ୍ତକାରୀ ଟିମ୍ ଗଠନ କରାଯିବା ସହ କଟକ, କେନ୍ଦ୍ରାପଡା, ଯାଜପୁର ସୀମା ସିଲ କରାଯାଇଛି ।

ଚୌଧୁରୀ ବଜାର ଭଳି ଏକ ଜନଗହଳି ପୂର୍ଣ୍ଣ ସ୍ଥାନରୁ କିଭଳି ଏମିତି ବଡ଼ଧରଣର ଡକାୟତି ହେଲା ସେନେଇ ସାଧାରଣରେ ଚର୍ଚ୍ଚା ଜୋର ଧରିଥିଲା । ତେବେ ଏହି ପୂରା ଘଟଣା ସକାଳ ପ୍ରାୟ ୯ଟାରୁ ୧୦ ସମୟ ମଧ୍ୟରେ ହୋଇଥିଲା । ଦୁର୍ବୃତ୍ତମାନେ ପ୍ରଥମେ ବ୍ୟାଙ୍କରେ ପଶିବା ମାତ୍ରେ ସମସ୍ତ କର୍ମଚାରୀଙ୍କୁ ବନ୍ଧୁକ ଦେଖାଇବା ସହ ମାରଧର କରିଥିଲେ । ସେମାନଙ୍କଠାରୁ ଚାବି ନେଇ ସେଠାରେ ଥିବା ଲକରରୁ ସମସ୍ତ ସୁନା ଲୁଟି ନେଇଥିଲେ ।

ବଡ଼ଧରଣର ଡକାୟତି: କଟକର ସମସ୍ତ ସୀମା ସିଲ୍ କଲା କମିଶନରେଟ୍ ପୋଲିସ

Leave a Reply