ଖୁସି ଖବର, କୋଭାକ୍ସିନ୍ ପ୍ରଥମ ପର୍ଯ୍ୟାୟ କ୍ଲିନିକାଲ ପରୀକ୍ଷାରେ ସଫଳ; ବଢାଇବ ଶରୀରରେ ରୋଗ ପ୍ରତିରୋଧକ ଶକ୍ତି
ନୂଆଦିଲ୍ଲୀ: କରୋନା ଟିକାକୁ ନେଇ ଆସିଛି ଭଲ ଖବର । ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଭାରତ ବାୟୋଟେକ୍ର କୋଭାକ୍ସିନ୍ ପ୍ରଥମ ପର୍ଯ୍ୟାୟ କ୍ଲିନିକାଲ ପରୀକ୍ଷାରେ ସଫଳ ହୋଇଛି ।
ସୂଚନା ମୁତାବକ, ଏହା ଲୋକଙ୍କ ଶରୀରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ସହ ଏହାର କୌଣସି ସାଇଡ ଇଫେକ୍ଟ ନଥିବା ଦେଖିବାକୁ ମିଳିଛି । ଦେଶରେ ଜରୁରୀକାଳୀନ ଅନୁମତି ନେଇ ଭାରତ ସରକାରଙ୍କ ନିକଟରେ ଆବେଦନ କରାଯାଇଥିବା ଟିକା ମଧ୍ୟରୁ ଗୋଟିଏ ହେଉଛି କୋଭାକ୍ସିନ୍ ।
ତେବେ ଆବେଦନ କରାଯାଇଥିବା ଟିକା ଗୁଡ଼ିକ ମଧ୍ୟରେ କୋଭାକ୍ସିନ୍, ଆଷ୍ଟ୍ରାଜେନିକା, କୋଭିସିଲ୍ଡ ରହିଛି । ଆହୁରି ମଧ୍ୟ କୋଭାକ୍ସିନର ଭଲ ପ୍ରଦର୍ଶନ ପରେ ସରକାରଙ୍କ ପକ୍ଷରୁ ଅନୁମତି ମିଳିବା ନେଇ ସମ୍ଭାବନା ବଢ଼ିଯାଇଛି ।
