ରୂପ ବଦଳାଉଛି କରୋନା, ଡେଙ୍ଗୁ ଭଳି ଅଚାନକ ହ୍ରାସ ହେଉଛି ପ୍ଲେଟଲେଟ୍ସ

ନୂଆଦିଲ୍ଲୀ: ସାଧାରଣ ଭାବରେ ଡେଙ୍ଗୁ ଜ୍ୱରରେ ପ୍ଲେଟଲେଟ୍ସ ଗଣନା ହୋଇଥାଏ । କିନ୍ତୁ ଏବେ କରୋନା ମଧ୍ୟ ଡେଙ୍ଗୁ ବେଶରେ ରୋଗୀଙ୍କୁ ଆକ୍ରମଣ କରୁଛି । ଏଥିରେ ଅଚାନକ ରୋଗୀର ପ୍ଲେଟଲେଟ୍ସ କମ ହୋଇ ୨୦ ହଜାରରୁ ତଳକୁ ହ୍ରାସ ହେଉଛି । କିନ୍ତୁ ପରୀକ୍ଷା ପରେ ଡେଙ୍ଗୁ ଚିହ୍ନଟ ହେଉନାହିଁ । ଏହିଭଳି ରୋଗୀ ଅଧିକାଂଶ ସମୟରେ ଗମ୍ଭୀର ଅବସ୍ଥାରେ ପହଞ୍ଚିବା ପରେ ରୋଗ ବାବଦରେ ଜଣାପଡ଼ୁଛି । ପିଜିଆଇରେ ଡାକ୍ତର ଏହା ଉପରେ ଗବେଷଣା ଆରମ୍ଭ କରି ସାରିଛନ୍ତି ।


ପିଜିଆଇର ପ୍ରୋଫେସର ଅନୁପମ ବର୍ମାଙ୍କ କହିବା ଅନୁସାରେ ଅଚାନକ ରୋଗୀଙ୍କ ଶରୀରରେ ପ୍ଲେଟଲେଟସ ଗଣନା କମ ହୋଇ ଯାଉଛି । ଯାହାପରେ ଏହାକୁ ବାଲାନ୍ସ କରିବା କଷ୍ଟ ହୋଇପଡ଼ୁଛି । ରିପୋର୍ଟ ଅନୁସାରେ ପିଜିଆରେ ଭର୍ତ୍ତି ହୋଇଥିବା ଲୋକବନ୍ଧୁ ହସ୍ପିଟାଲର ଡାକ୍ତରଙ୍କ ପ୍ଲେଟଲେଟସ ଭର୍ତ୍ତି ହେବାର ଦ୍ୱିତୀୟ ଦିନରେ ୧୦ ହଜାରକୁ ପହଞ୍ଚି ଯାଇଥିଲା । ପ୍ରାଥମିକ ସ୍ତରରେ ସାମ୍ନାକୁ ଆସିଥିବା ଖବର ଅନୁସାରେ ଗୋଟିଏ ପକ୍ଷରେ ଏଭଳି ରୋଗୀଙ୍କ ରୋଗ ପ୍ରତିରୋଧକ ଶକ୍ତି ପୂର୍ବରୁ କମ ଥିବା ସମୟରେ ଅନ୍ୟ ପକ୍ଷରେ କରୋନା ରୋଗୀଙ୍କ ଇମ୍ୟୁନ କମ୍ପ୍ଲେକ୍ସନକୁ ଏହା ପ୍ରଭାବିତ କରୁଛି । ଯାହାଦ୍ୱାରା ମୋନୋସାଇଡ ଏବଂ ମ୍ୟାକ୍ରୋଫେଜ କୋଷ ଉପରେ ପ୍ରଭାବ ପକାଉଛି । ଏମାନଙ୍କୁ ଆବଶ୍ୟକ ହେଲେ ପ୍ଲାଜମା ଥେରାପି ଦିଆଯାଉଛି ।

ଡାକ୍ତରଙ୍କ କହିବା ଅନୁସାରେ ବର୍ତ୍ତମାନ କରୋନା ରୋଗୀଙ୍କର ଡେଙ୍ଗୁ ପରୀକ୍ଷା ଜରୁରୀ । ବିଶେଷକରି ଯେଉଁମାନଙ୍କର ପ୍ଲେଟଲେଟସ ହ୍ରାସ ହେଉଛି । ଏଥିରୁ ଜଣାପଡ଼ିବକି ଏହା ଡେଙ୍ଗୁ ନା କରୋନା । ଏହା ଉପରେ ଅଧିକ ଗବେଷଣା ମଧ୍ୟ କରାଯାଉଛି ।

Leave a Reply