କେନ୍ଦ୍ର ସରକାରଙ୍କୁ ବିରୋଧ କରି କଂଗ୍ରେସର ‘ସ୍ପିକ ଅପ୍’ କ୍ୟାମ୍ପେନ
ଭୁବନେଶ୍ୱର: କେନ୍ଦ୍ର ସରକାରଙ୍କୁ ବିରୋଧ କରି କଂଗ୍ରେସ ସୋସିଆଲ ମିଡିଆରେ ଆଜି ଏକ କ୍ୟାମ୍ପେନ କରିବାକୁ ଯାଉଛି । ଯାହାର ନାଁ ରଖାଯାଇଛି ସ୍ପିକ ଅପ୍ । ପ୍ରବାସୀ, ଛୋଟ ବ୍ୟବସାୟୀ, ମଧ୍ୟବିତ୍ତ ପରିବାରକୁ କେନ୍ଦ୍ର ତରଫରୁ ଆର୍ଥିକ ସହାୟତା ଦାବି କରିବା ନେଇ ସ୍ପିକ ମାଧ୍ୟମରେ ସୋସିଆଲ ମିଡିଆରେ ଦାବି କରିବ କଂଗ୍ରେସ । ଏଥିପାଇଁ କଂଗ୍ରେସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।
ଦିନ ୧୧ଟାରୁ ୨ଟା ପର୍ଯ୍ୟନ୍ତ ଚାଲିବ ଏହି କ୍ୟାମ୍ପେନ । ଘରକୁ ଫେରିବା ପାଇଁ ପ୍ରବାସୀ ସବୁ ସୁବିଧା ସୁଯୋଗ ଯୋଗାଇ ଦେବା । ଏମଜିଏନଆରଇଜିଏ ମାଧ୍ୟମରେ ୨୦୦ ଦିନକୁ କାମ ବୃଦ୍ଧି କରିବା ଭଳି ଦାବି କରିଛି କଂଗ୍ରେସ । କଂଗ୍ରେସର ଏହି କ୍ୟାମ୍ପେନ ମାଧ୍ୟମରେ ଲୋକଙ୍କ ସ୍ୱର କେନ୍ଦ୍ର ସରକାରଙ୍କ ନିକଟରେ ପହଁଚାଇବା ପାଇଁ ପ୍ରୟାସ କରିବ ।
