ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବଢ଼ାଇଲେ କୋଭିଡ୍ ଯୋଦ୍ଧାଙ୍କ ମନୋବଳ

ଭୁବନେଶ୍ୱର: ସମ୍ ହସ୍ପିଟାଲର ୨ ଡାକ୍ତରଙ୍କ ସହ କଥାହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ସନ୍ଧ୍ୟାରେ ସମ୍ ହସ୍ପିଟାଲର ଡାକ୍ତର ପ୍ରଦୀପ କୁମାର ପାତ୍ର ଏବଂ ଡାକ୍ତର ଈଶ୍ୱର ଚନ୍ଦ୍ର ବେହେରାଙ୍କ ସହ କଥା ହେବା ସହ ମୁଖ୍ୟମନ୍ତ୍ରୀ ସେମାନଙ୍କୁ ସାଧୁବାଦ ଜଣାଇଛନ୍ତି । ଏଥିସହ ସେମାନଙ୍କ ସହଯୋଗୀ ଓ ସମ୍ ହସପିଟାଲର ଉତ୍ସର୍ଗୀକୃତ ସେବା ପାଇଁ ଧନ୍ୟବାଦ ଜଣାଇଛନ୍ତି ।

Spoke to some of the doctors treating #Covidpatients, who are our frontline #CovidWarriors working with utmost dedication and huge commitment to save every precious life. Appreciated their dedication and service which helped #Odisha’s #COVID19 recovery to be so high.

— Naveen Patnaik (@Naveen_Odisha) October 11, 2020

ଡାକ୍ତର ପ୍ରଦୀପ କୁମାର ପାତ୍ର ଏବଂ ଡାକ୍ତର ଇଶ୍ୱର ଚନ୍ଦ୍ର ବେହେରା ନିରବିଚ୍ଛିନ୍ନ ଭାବେ ରୋଗୀଙ୍କୁ ସେବା ଯୋଗାଇବା ସହ ସୁସ୍ଥ ହେଉଥିବା ରୋଗୀଙ୍କୁ ମଧ୍ୟ ପରବର୍ତ୍ତୀ ସମୟରେ ପରାମର୍ଶ ଦେଉଛନ୍ତି । ଡାକ୍ତର ଇଶ୍ୱର ବେହେରା ଆଇସିୟୁରେ ରହୁଥିବା ରୋଗୀଙ୍କ ଦାୟିତ୍ୱ ନେଉଥିବା ବେଳେ ଇମ୍ୟୁନୋଲୋଜିଷ୍ଟ ଡାକ୍ଚର ପ୍ରଦୀପ କୁମାର ପାତ୍ର ସାମଗ୍ରିକ ଭାବେ କୋଭିଡ୍ ରୋଗୀଙ୍କ ଦାୟିତ୍ୱରେ ରହିଛନ୍ତି ।

ଭଲ ହୋଇ ଯାଇଥିବା ବିଭିନ୍ନ ଆକ୍ରାନ୍ତଙ୍କଠୁ ଉଭୟଙ୍କ ସଂପର୍କରେ ଜାଣିବା ପରେ ଆଜି ମୁଖ୍ୟମନ୍ତ୍ରୀ ଏମାନଙ୍କ ସହ କଥା ହୋଇଥିଲେ । ମୁଖ୍ୟମନ୍ତ୍ରୀଙ୍କଠାରୁ ସାଧୁବାଦ ପାଇବା ପରେ ଉଭୟ ଡାକ୍ତର ଖୁସି ବ୍ୟକ୍ତ କରିଛନ୍ତି । କହିଛନ୍ତି, ମୁଖ୍ୟମନ୍ତ୍ରୀ କଥା ହେବା ପରେ ସେମାନେ ଆହୁରି ଉତ୍ସାହର ସହ ରୋଗୀ ସେବା କରିବେ । ଉଭୟ ଡାକ୍ତର ମଧ୍ୟ ସମ୍ ହସ୍ପିଟାଲ ଏବଂ ତାଙ୍କ ସହଯୋଗୀମାନଙ୍କୁ ଧନ୍ୟବାଦ ଜଣାଇଛନ୍ତି ।