ପେଟ୍ରୋଲ ଓ ଡିଜେଲ୍ ଉପରେ ୬ ଟଙ୍କା ଯାଏଁ ବଢ଼ିପାରେ ଏକ୍ସାଇଜ୍ ଡ୍ୟୁଟି, ସିଧା ପଡ଼ିବ ପ୍ରଭାବ

1 min read

ନୂଆଦିଲ୍ଲୀ: ମହଙ୍ଗା… ମହଙ୍ଗା… ମହଙ୍ଗା… । ଆଳୁ, ପିଆଜ ପରେ ତେଲରେ ଲାଗିବାକୁ ଯାଉଛି ନିଆଁ । ମିଳିଥିବା ଖବର ମୁତାବକ କେନ୍ଦ୍ର ସରକାର ପୁଣି ଥରେ ପେଟ୍ରୋଲ-ଡିଜେଲ୍ ଏକ୍ସାଇଜ୍ ଡ୍ୟୁଟି ବଢ଼ାଇବା ଲାଗି ପ୍ରସ୍ତୁତି ଆରମ୍ଭ କରିଛନ୍ତି । ସରକାର ଲିଟର ପିଛା ୩ରୁ ୬ ଟଙ୍କା ଯାଏଁ ଏକ୍ସାଇଜ୍ ଡ୍ୟୁଟି ବଢ଼ାଇ ପାରନ୍ତି । ଏହା ପୂର୍ବରୁ କେନ୍ଦ୍ର ସରକାର ମେ ମାସରେ ପେଟ୍ରୋଲ ଉପରେ ଲିଟର ପିଛା ୧୦ ପଇସା ଓ ଡିଜେଲ ଉପରେ ଲିଟର ପିଛା ୧୩ ପଇସା ଏକ୍ସାଇଜ୍ ଡ୍ୟୁଟି ବୃଦ୍ଧି କରିଥିଲେ ।

Centre May Hike Petrol Diesel Excise Duty RS 3 To 6 Per Liter Soon

୨୦୧୪ରେ ପେଟ୍ରୋଲ ଉପରେ ସମ୍ପୂର୍ଣ୍ଣ କର ଲିଟର ପିଛା ୯ ଟଙ୍କା ୪୮ ପଇସା ଥିବାବେଳେ ଡିଜେଲ ଲିଟର ପିଛା ୩.୫୬ ଟଙ୍କା ଟ୍ୟାକ୍ସ ରହିଥିଲା । ସେବେଠାରୁ ଆଜି ଯାଏଁ ଟିକସ (କର) ବଢ଼ି ବଢ଼ି ପେଟ୍ରୋଲ ଲିଟର ପିଛା ୩୨ ଟଙ୍କା ୯୮ ପଇସା ଓ ଡିଜେଲ ଲିଟର ପିଛା ଟିକସ ୩୧ଟଙ୍କା ୮୩ ପଇସାରେ ପହଞ୍ଚିଛି । କେନ୍ଦ୍ର ଓ ରାଜ୍ୟ ସରକାରଙ୍କ ଦ୍ୱାରା ଲଗାତାର ଟିକସ ବଢ଼ୁଥିବା ବେଳେ ଅଶୋଧିତ ତୈଳ ଦର ହ୍ରାସର ଫାଇଦା ଗ୍ରାହକଙ୍କୁ ମିଳୁନାହିଁ । ବରଂ ବେଳକୁ ବେଳ ଗ୍ରାହକଙ୍କୁ ଅଧିକ ଟଙ୍କା ଦେବାକୁ ପଡ଼ିଛି ।

ପେଟ୍ରୋଲ ଉପରେ ଲାଗୁଥିବା ଟିକସ୍ ଓ କମିଶନ କେତେ…

ଏକ୍ସ ଫ୍ୟାକ୍ଟ୍ରି ମୂଲ୍ୟ- ୨୫ ଟଙ୍କା ୩୨ ପଇସା

ଭଡ଼ା ଓ ଅନ୍ୟ ଖର୍ଚ୍ଚ- ୦.୩୬ ପଇସା

ଏକ୍ସାଇଜ୍ ଡ୍ୟୁଟି- ୩୨ ଟଙ୍କା ୯୮ ପଇସା

ଡିଲର କମିଶନ- ୩ ଟଙ୍କା ୬୯ ପଇସା

VAT (ଡିଲର କମିଶନ ସହ)- ୧୮ ଟଙ୍କା ୭୧ ପଇସା

Centre May Hike Petrol Diesel Excise Duty RS 3 To 6 Per Liter Soon

ଏବେ କଣ ହେବ ?

କରୋନା ଯୋଗୁଁ ଅର୍ଥନୀତି ଦେବାଳିଆ ହୋଇଯାଇଥିବା ବେଳେ କ୍ଷତିଗ୍ରସ୍ତ ଆର୍ଥିକ ସ୍ଥିତିରୁ ମୁକୁଳିବା ଲାଗି ସରକାର ତୃତୀୟ ପ୍ୟାକେଜ ପ୍ରସ୍ତୁତ କରୁଛନ୍ତି । ଏଥିପାଇଁ ସରକାରଙ୍କୁ ଅଧିକ ଅର୍ଥର ଆବଶ୍ୟକତା ରହିଛି । ତେଣୁ, ଏହାର ଭରଣ ଟ୍ୟାକ୍ସ (ଏକ୍ସାଇଜ୍ ଡ୍ୟୁଟି)ରୁ ସରକାର କରିବାକୁ ଚାହୁଁଛନ୍ତି ।

ସୂତ୍ର ଅନୁସାରେ ଲିଟର ପିଛା ଏକ୍ସାଇଜ୍ ଡ୍ୟୁଟି ୩ରୁ ୬ ଟଙ୍କା ଯାଏଁ ବଢ଼ିପାରେ । କିନ୍ତୁ, ସରକାର ଚାହୁଁଛନ୍ତି ଏକ୍ସାଇଜ୍ ଡ୍ୟୁଟି ବୃଦ୍ଧି ପରେ ପେଟ୍ରୋଲ ଓ ଡିଜେଲ ମହଙ୍ଗା ନହେଉ । ଏଥିପାଇଁ ନୂଆ ଯୋଜନା ଉପରେ ସରକାର କାମ କରୁଛନ୍ତି । ତେବେ, ଅଶୋଧିତ ତୈଳ ଶସ୍ତା ହେବା ପରେ ପେଟ୍ରୋଲ ଓ ଡିଜେଲ୍ ମୂଲ୍ୟ ଯେତିକି କମିବା କଥା ସେତିକି ଖସି ନାହିଁ ।

Centre May Hike Petrol Diesel Excise Duty RS 3 To 6 Per Liter Soon

ଅନ୍ତଃରାଷ୍ଟ୍ରୀୟ ବଜାରରେ ଅଶୋଧିତ ତୈଳ ବ୍ୟାରେଲ ପିଛା ୪୫ ଡଲାରରୁ ୪୦ ଡଲାରକୁ ଖସି ଆସିଛି । ଏହାର ଫାଇଦା ସରକାରଙ୍କୁ ଉଠାଇବା ଦରକାର ।

ଏକ୍ସାଇଜ୍ ଡ୍ୟୁଟି ଟଙ୍କାଏ ବଢ଼ିଲେ କେତେ ଲାଭ ?

ପେଟ୍ରୋଲ ଓ ଡିଜେଲ ଉପରେ ଏକ୍ସାଇଜ୍ ଡ୍ୟୁଟିରେ ପ୍ରତି ୧ ଟଙ୍କା ବୃଦ୍ଧି ଦ୍ୱାରା କେନ୍ଦ୍ର ସରକାର ୧୩ ହଜାରରୁ ୧୪ ହଜାର କୋଟି ଟଙ୍କା ପ୍ରତିବର୍ଷ ଅଧିକ ରାଜସ୍ୱ ପାଇଥାନ୍ତି । ସେହିଭଳି ଅଶୋଧିତ ତୈଳ ଦର ହ୍ରାସ ଯୋଗୁଁ ସରକାରଙ୍କୁ ଲାଭ ମିଳେ । ଭାରତ ଆବଶ୍ୟକତାର ପାଖାପାଖି ୮୨ ପ୍ରତିଶତ ଅଶୋଧିତ ତୈଳ କିଣେ । ଅଶୋଧିତ ତୈଳ ଦର ହ୍ରାସ ଦ୍ୱାରା ଜେଶର କରେଣ୍ଟ ଆକାଉଣ୍ଟ ଡେଫିସିଟ୍ (CAD) କମି ପାରେ ।

Leave a Reply