ରାସ୍ତାକଡ଼ ଘର ଉପରକୁ ମାଡ଼ିଗଲା କାର୍; ସ୍ତ୍ରୀ ମୃତ, ସ୍ୱାମୀ ଓ ପୁଅ ଗରୁତର

ନୂଆପଡ଼ା: ପୁଣି ଜୀବନ ନେଇଛି ଅସାବଧନତା । ଅନ୍ୟମନସ୍କ ହୋଇ ଗାଡ଼ି ଚାଳନା ଯୋଗୁ ଜଣଙ୍କ ଜୀବନ ଯାଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି । ନୂଆପଡ଼ା ଜିଲ୍ଲା ଖଡ଼ିଆଳରୁ ବୋଡେନକୁ ସଂଯୋଗ କରୁଥିବା ରାସ୍ତାର ଗଦ୍ରାମୁଣ୍ଡା ଗାଁ ରାସ୍ତାରେ ଦୁର୍ଘଟଣା ଘଟିଛି । ରାସ୍ତାରେ ଦ୍ରୁତଗତିରେ ଯାଉଥିବା ଏକ କାର୍ ହଠାତ୍ ଜଣଙ୍କ ଘରେ ମାଡ଼ି ଯାଇଥିଲା ।

ଏଥିରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି । ମୃତକ ନମିତା ହଂସ ବୋଲି ଜଣାପଡ଼ିଛି । ୨ ଗୁରୁତରଙ୍କୁ ଖଡ଼ିଆଳ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଗାଡ଼ି ଧକ୍କାରେ ଘରର ସମ୍ମୁଖ ଭାଗ ଭାଙ୍ଗିଯାଇଛି । ମୃତକଙ୍କ ପରିବାରକୁ କ୍ଷତିପୂରଣ ଦାବି କରି ଉତ୍ତେଜନା ପ୍ରକାଶ ପାଇଛି ।