କରୋନାକୁ ମାତ୍ ଦେଲେ କ୍ୟାନସର ରୋଗୀଙ୍କ ସହ ସ୍ତ୍ରୀ ଓ ତିନି ଝିଅ
ବଲାଙ୍ଗିର: କରୋନାକୁ ହରାଇଲେ କ୍ୟାନସର ଆକ୍ରାନ୍ତ । ଭୂତାଣଉ ଠାରୁ ବିଜୟୀ ହୋଇଛନ୍ତି ଜଣେ କ୍ୟାନ୍ସର ରୋଗୀ, ତାଙ୍କ ସ୍ତ୍ରୀ ଓ ତିନି ଝିଅ । ବଲାଙ୍ଗିର ସହରର ଜଣେ କ୍ୟାନ୍ସର ରୋଗୀ କଟକ କ୍ୟାନସର ହସ୍ପିଟାଲରେ ଚିକିତ୍ସିତ ହେଉଥିଲେ । ହସ୍ପିଟାଲରେ ଚିକିତ୍ସିତ ଅବସ୍ଥାରେ କରୋନା ସଂକ୍ରମିତ ଚିହ୍ନଟ ହୋଇଥିଲେ । ପରେ ତାଙ୍କ ସ୍ତ୍ରୀ ଓ ତିନି ଝିଅ ସଂକ୍ରମିତ ହୋଇଥିଲେ ।
ହେଲେ କିଛି ଦିନ କୋଭିଡ୍ ହସ୍ପିଟାଲରେ ଚିକିତ୍ସିତ ହେବା ପରେ ପରିବାରର ସମସ୍ତେ କରୋନାକୁ ମାତ୍ ଦେଇ ସୁସ୍ଥ ହୋଇଛନ୍ତି । ଆଜି କ୍ୟାନସର ଆକାନ୍ତ ଓ ତାଙ୍କ ପରିବାରର ସଦସ୍ୟ କୋଭିଡ୍ ହସ୍ପିଟାଲରୁ ଘରକୁ ଫେରିଛନ୍ତି । ସୁସ୍ଥ ହେବା ପରେ ପରିବାର ଖୁସିରେ ଆତ୍ମହରା ହୋଇ ରାଜ୍ୟ ସରକାର ଓ ଜିଲ୍ଲା ପ୍ରଶାସନକୁ ଧନ୍ୟବାଦ ଦେଇଛନ୍ତି । ଏନେଇ ବଲାଙ୍ଗିର ଜିଲ୍ଲାପାଳ ଅରିନ୍ଦମ ଡାକୁଆ ପରିବାରକୁ ଶୁଭେଚ୍ଛା ଜଣାଇଛନ୍ତି ।
(ବଲାଙ୍ଗିରରୁ ଦୀପକ ପୁରୋହିତ)
