ଏବେ ମିଳିଲା ବର୍ଷେ ପୂର୍ବେ ଚୋରି ହୋଇଥିବା ଏହି ଅମୂଲ୍ୟ ଜୀବ

ଗାଡ଼ି,ସୁନା ରୁପା ଚୋରି ଘଟଣା ଆପଣଙ୍କୁ ସ୍ୱାଭାବିକ ଲାଗିପାରେ । କିନ୍ତୁ ଗୋଧି ଚୋରି ହୋଇଥିବା ଘଟଣା ହୁଏତ ଅଜବ ଲାଗିବ । ଘଟଣା ଆମେରିକାର ଲସ୍ ଆଞ୍ଜେଲସ୍ସର । ସୂଚନାନୁଯାୟୀ ଗତ ବର୍ଷ ଏକ ଷ୍ଟୋରରୁ ଦୁଇଟି ଗୋଧି ଚୋରି ହୋଇଥିଲା । ଦୁଇ ଗୋଧିର ମୂଲ୍ୟ ଶୁଣିବା ପରେ କେହି ମଧ୍ୟ ଆଶ୍ଚର୍ଯ୍ୟ ହୋଇଯିବ । ଦୁଇ ଗୋଧିର ମୂଲ୍ୟ ପ୍ରାୟ ୫୫ ଲକ୍ଷ ଟଙ୍କା ବା ୭୫ ହଜାର ଡଲାର ।

ଦ ଲଙ୍ଗ୍‌ବିଚ୍‌ପୋଲିସ ଡିପାର୍ଟମେଣ୍ଟ ଗତ ଶୁକ୍ରବାରକୁ କହିଛି କି, ଅଷ୍ଟ୍ରେଲିୟାନ ଲେସ ମନିଟର ଗୋଧି ଦୁଇଟି ଗତବର୍ଷ ନଭେମ୍ବରରେ ଜେ.ଟି.କେ ରେପଟାଇଲ୍ସରୁ ଚୋରି ହୋଇଥିଲା । ତେବେ ଜନ୍ତା ଭାଙ୍ଗି ଉଭୟ ଗୋଧିକୁ କାରରେ ନେଇ ଫେରାର ହୋଇ ଯାଇଥିଲେ ଚୋର । ଡିପାର୍ଟମେଣ୍ଟର କହିବା ଅନୁସାରେ ଚୋରି ହୋଇଥିବା ଉଭୟ ଅଷ୍ଟ୍ରେଲିୟାନ ଲେସ ମନିଟର ଗୋଧି ଦୁଇଟି ୬ ଫୁଟରୁ ଅଧିକ ଲମ୍ବା । ପରବର୍ତ୍ତୀ ସମୟରେ ପୋଲିସ ଦୁଇ ଗୋଧିକୁ ଟ୍ରାକ କଲା । ଟ୍ରାକ କରିବା ପରେ ଚୋରକୁ ଗିରଫ କରିବାରେ ସକ୍ଷମ ହୋଇଛି ପୋଲିସ୍‌। ସୂଚନା ମୁତାବକ ଉଭୟଙ୍କ ଉପରେ ପୂର୍ବରୁ ଶହ ଶହ ଚୋରି ଅଭିଯୋଗ ହୋଇଛି ।

ପୋଲିସ ଡିପାର୍ଟମେଣ୍ଟର ମୁଖପାତ୍ରଙ୍କ କହିବା ଅନୁସାରେ ଏହି ଚୋର ମାନଙ୍କୁ ଗୋଧି ମାନଙ୍କର ବଜାର ମୂଲ୍ୟ ବିଷୟରେ ବେଶ୍‌ଭଲ ଭାବରେ ଜଣା । କିନ୍ତୁ ଉକ୍ତ ଘଟଣାକୁ ନେଇ କୌଣସି ମତ ରଖି ନାହାଁନ୍ତି ଦୋକାନ ମାଲିକ ।

Leave a Reply