ସୁରତରୁ ସ୍ୱତନ୍ତ୍ର ବସରେ ନୟାଗଡ଼ ପହଞ୍ଚିଲେ ୪୬ ଜଣ ପ୍ରବାସୀ ଓଡ଼ିଆ
ନୟାଗଡ଼: ରାଜ୍ୟ ସରକାରଙ୍କ ପଦକ୍ଷେପ ପରେ ବାହାର ରାଜ୍ୟରେ ଫସିଥିବା ପ୍ରବାସୀ ଓଡ଼ିଆ ଘରକୁ ଫେରୁଛନ୍ତି । ୨ଟି ଦଫାରେ ଗଞ୍ଜାମ ଜିଲ୍ଲାକୁ ଗୁଜରାଟରୁ ୩୦୦ରୁ ଅଧିକ ପ୍ରବାସୀ ଫେରିଥିବା ବେଳେ ନୟାଗଡ଼ରେ ପହଞ୍ଚିଛନ୍ତି ୪୬ ଜଣ । ୨ ଦିନ ତଳେ ସୁରତରୁ ସ୍ୱତନ୍ତ୍ର ବସ୍ ୪୬ ଜଣ ପ୍ରବାସୀଙ୍କୁ ନେଇ ଓଡ଼ିଶା ଅଭିମୁଖେ ବାହାରିଥିଲା ।
ଗୁରବାର ରାତିରେ ବସ୍ ଓଡ଼ଗାଁ ଥାନା ସାକେରିରେ ପହଞ୍ଚିଥିଲା । ପ୍ରଶାସନ ପକ୍ଷରୁ ସମସ୍ତ ଫେରନ୍ତାଙ୍କୁ ରାହାସ ବିଦ୍ୟାପୀଠ କ୍ୱାରେଣ୍ଟାଇନ୍ ସେଣ୍ଟରରେ ରଖାଯାଇଛି । ଫେରିଥିବା ୪୬ ଜଣଙ୍କ ମଧ୍ୟରେ ଗଞ୍ଜାମ ଜିଲ୍ଲାର ଜଣେ ରହିଛନ୍ତି । କ୍ୱାରେଣ୍ଟାଇନରେ କେନ୍ଦ୍ରରେ ଫେରନ୍ତାଙ୍କ ପାଇଁ ସମସ୍ତ ବ୍ୟବସ୍ଥା କରାଯାଇଥିବା ସରପଞ୍ଚ ସୂଚନା ଦେଇଛନ୍ତି ।
