ସିଜ୍ ଫାୟାର ଉଲ୍ଲଘଂନ: ୩ ଭାରତୀୟ ଯବାନ ଶହୀଦ, ୧୨ରୁ ୧୩ ପାକିସ୍ତାନୀ ଯବାନ ନିପାତ ହୋଇଥିବା ସୂଚନା

ଶ୍ରୀନଗର: ଦୀପାବଳି ପୂର୍ବରୁ ସୀମାରୁ ଆସିଛି ଦୁଃଖଦ ଖବର । ଶୁକ୍ରବାର ଏଲଓସିର ପୃଥକ ପୃଥକ ସେକ୍ୱରରେ ପାକିସ୍ତାନ ପକ୍ଷରୁ ସିଜ୍ ଫାୟାର  ଉଲ୍ଲଘଂନ କରାଯାଇଛି । ଜାତୀୟ ଗଣମାଧ୍ୟମ ସୂଚନା ମୁତାବକ ଏହି ଫାୟରିଂରେ ୩ ଜଣ ଯବାନ ଶହୀଦ ହୋଇଥିବା ବେଳେ ୪ ନାଗରିକଙ୍କ ମୃତ୍ୟୁ ହୋଇଛି । ଭାରତୀୟ ସେନାର ସୂଚନା ମୁତାବକ ଏଲ୍‌ଓସିରେ ନିକଟରେ ଘଣିଥିବା ଏହି ଘଟଣାରେ ୩ ଭାରତୀୟ ଯବାନ ଶହୀଦ ହୋଇଛନ୍ତି । ସେମାନଙ୍କ ମଧ୍ୟରୁ ୨ ଜଣ ଊରି ସେକ୍ୱରରେ ଶହୀଦ ହୋଇଥିବା ବେଳେ ଗୁରେଜ ସେକ୍ୱରରେ ଶହୀଦ ହୋଇଛନ୍ତି ।

ତେବେ ପାକିସ୍ତାନ ପକ୍ଷରୁ କରାଯାଇଥିବା ଏହି ଆକ୍ରମଣ ମୁହଁତୋଡ ଜବାବ ଦେଇଛି ଭାରତ । ଭାରତୀୟ ଯବାନଙ୍କ ପକ୍ଷରୁ କରାଯାଇଥିବା ପ୍ରତି ଆକ୍ରମଣରେ ୧୨-୧୩ ଜଣ ପାକିସ୍ତାନି ସୈନିକ ପ୍ରାଣହରାଇଥିବା ସୂଚନା । ତେବେ ନିପାତ ପାକିସ୍ତାନୀ ଯବାନଙ୍କ ମଧ୍ୟରେ ୨ ଜଣ ପାକିସ୍ତାନର ସେନାର ହୋଇଥିବା ବେଳେ ୨ରୁ୩ ଜଣ ପାକିସ୍ତାନ ଆର୍ମି ସ୍ପେଶାଲ ସର୍ଭିସ ଗ୍ରୁପ୍ (ଏସ୍‌ଏସଜି)ର କମାଣ୍ଡର ରହିଛନ୍ତି ।

#WATCH | Pakistan violated ceasefire along Line of Control in the Keran sector, of Jammu and Kashmir, earlier today pic.twitter.com/zQRLrSyxhc

— ANI (@ANI) November 13, 2020