ଭୁଶୁଡ଼ୁଛି ଲାଲ ଗଡ଼, ବଣ୍ଡା ଘାଟିରେ ସ୍ଥାପନ ହେଲା BSF କ୍ୟାମ୍ପ୍‌

1 min read

ମାଲକାନଗିରି: ମାଓ ମୁକାବିଲାରେ ଆଉ ଏକ ସଫଳତା। ମାଲକାନଗିରି ବଣ୍ଡା ଘାଟିରେ ସ୍ଥାପନ ହେଲା BSF କ୍ୟାମ୍ପ। ଦଶନ୍ଧୀ ଦଶନ୍ଧୀ ଧରି ବଣ୍ଡା ଘାଟିକୁ କବଜାରେ ରଖିଥିବା ଲାଲବାହିନୀକୁ ଲାଗିଛି ଶକ୍ତ ଝଟକା। ଅଣ୍ଡ୍ରାହାଲ ଠାରେ ବିଏସଏଫ ପକ୍ଷରୁ ନୂଆ କ୍ୟାମ୍ଫ ସ୍ଥାପନ କରାଯାଇଛି। ଯାହାଦ୍ୱାରା ନକ୍ସଲ ଭୟରେ ବିକାଶରୁ ଦୂରରେ ଥିବା ବଣ୍ଡା ଘାଟିରେ ଏବେ ଆରମ୍ଭ ହେବ ବିକାଶର ଅଭିଯାନ।

ଆଗାମୀ ଦିନରେ ମାଓବାଦୀଙ୍କ ଗତି ବିଧି ଉପରେ ନଜର ରଖିବା ସହ ଅଞ୍ଚଳ ବିକାଶଧାରାରେ ସହାୟକ ହେବ ବୋଲି ଜିଲ୍ଲା ଆରକ୍ଷୀ ଅଧିକ୍ଷକ ପ୍ରକାଶ କରିଛନ୍ତି। ଅନ୍ୟପଟେ ଗ୍ରାମବାସୀ ଅଞ୍ଚଳର ବିକାଶ ହେବା ସହ ମାଓ ଅତ୍ୟାଚାରରୁ ମୁକ୍ତ ହେବେ ବୋଲି ଆସ୍ୱସ୍ଥି ଅନୁଭବ କରିଥିବା ପ୍ରକାଶ କରିଛନ୍ତି। ସ୍ୱାଭିମାନ ଅଞ୍ଚଳର ବିକାଶଧାରା ପରେ ବଣ୍ତାଘାଟିର ବିକାଶ ଉପରେ ରହିଛି ଅଞ୍ଚଳବାସୀଙ୍କ ନଜର।

Leave a Reply