ହୋମିଓପ୍ୟାଥିକ ଔଷଧରୁ ତିଆରି ହେଉଛି ନକଲି ମଦ

ବ୍ରହ୍ମପୁର: ଦେଶୀ, ବିଦେଶୀ, ମହୁଲି ଆଉ ଆସ୍କା ଫର୍ଟି କଥା ଆପଣ ଶୁଣିଥିବେ ନିଶ୍ଚୟ । ଆଉ ଏଲୋପାଥିକ୍ ଔଷଧ (ସିରପ୍)କୁ ନିଶା ଭାବେ ବ୍ୟବହାର କରିବା ଜାଣିଥିବେ । ଏବେ ହୋମିଓପ୍ୟାଥିକ ଔଷଧରୁ ତିଆରି ହେଉଛି ନକଲି ମଦ । ଏମିତି ମଦ ତିଆରି ବେଳେ ଧରିଛି ବ୍ରହ୍ମପୁର ବୈଦ୍ୟନାଥପୁର ପୋଲିସ । ବ୍ରହ୍ମପୁର ଲାଞ୍ଜିପଲ୍ଲୀ ବ୍ରାହ୍ମଣ ସାହିରୁ ବିପୁଳ ପରିମାଣର ନକଲି ବିଦେଶୀ ମଦ ଜବତ କରିଛି ବୈଦ୍ୟନାଥପୁର ଥାନା ପୋଲିସ ।

କିଛିଦିନ ହେଲା ଏଠାରେ ନକଲି ମଦ ପ୍ରସ୍ତୁତ କରି ସହର ଏବଂ ସହର ବାହାରକୁ ଚାଲାଣ କରାଯାଉଥିଲା । ହୋମିଓପ୍ୟାଥିକ ଔଷଧରେ ରଙ୍ଗ ଓ କେମିକାଲ ମିଶାଇ ଏହି ମଦ ପ୍ରସ୍ତୁତ ହେଉଥିଲା ବୋଲି ଜଣାପଡ଼ିଛି । ମାମଲାରେ ପୋଲିସ ଜଣକୁ ଅଟକ ରଖିଛି । ବ୍ରହ୍ମପୁର ଏସଡିପିଓ ବିଷ୍ଣୁ ପତି ଏନେଇ ସୂଚନା ଦେଇଛନ୍ତି ।