କାବୁ ହେଲା ପୁରୀରେ ଆତଙ୍କ ଖେଳାଇଥିବା ବାର୍‌ହା, ଗତକାଲି ବାରାହା ଆକ୍ରମଣରେ ତିନିଜଣ ହୋଇଥିଲେ ଆହତ

ପୁରୀ: କାବୁ ହେଲା ପୁରୀରେ ଆତଙ୍କ ଖେଳାଇଥିବା ବାର୍‌ହା । ନାଳରୁ ବାରହାକୁ କାବୁ କଲେ ବନ ବିଭାଗ ଓ ଅଗ୍ନିଶମ କର୍ମଚାରୀ । ବାର‌ହାକୁ ଧରିବା ପାଇଁ ବନ ବିଭାଗ ତରଫରୁ ଯନ୍ତା ବସାଯାଇଥିବା ବେଳେ ବାର୍‌ହାଟି ନାଳରେ ଖସି ପଡ଼ିଥିଲା ।  ଲୋକନାଥ ରୋଡ୍‌ ଛପନଛକ ନାଳରେ ବାର‌ହାଟି ପଡ଼ିଥିବା ଦେଖି ସ୍ଥାନୀୟ ଲୋକ ବନ ବିଭାଗକୁ ଖବର ଦେଇଥିଲେ । ବନ ବିଭାଗ ଓ ଅଗ୍ନିଶମ ବାହିନୀ ମିଳିତ ଭାବେ ବାର‌ହାକୁ କାବୁ କରିଛନ୍ତି ।

ଗତକାଲି ପୁରୀ ସହରରେ ବାର‌ହା ଆକ୍ରମଣରେ ତିନିଜଣ ଆହତ ହୋଇଥିଲେ । ପାହାନ୍ତା ସମୟରେ ସ୍ୱର୍ଗଦ୍ୱାର ଭାରତ ସେବାଶ୍ରମ ଛକ ନିକଟରେ ସଫେଇ କର୍ମଚାରୀଙ୍କୁ ଆକ୍ରମଣ କରିଥିଲା ବାର୍‌ହା  । ଆହତଙ୍କ ମଧ୍ୟରେ ଦୁଇ ଜଣ ମହିଳା ଓ ଜଣେ ବୃଦ୍ଧ ଥିଲେ  । ସ୍ୱର୍ଗଦ୍ୱାରଠାରେ ରୋହିଣୀ ନାୟକ ଓ ପ୍ରମିଳା ନାୟକଙ୍କୁ ବାର୍‌ହା ଆକ୍ରମଣ କରିଥିଲା  । ବାଲି ନୋଳିଆ ସାହିର ଜଣେ ବୃଦ୍ଧ ମଧ୍ୟ ଆକ୍ରମଣର ଶିକାର ହୋଇଥିଲେ  ।

Leave a Reply