ଧର୍ମେନ୍ଦ୍ରଙ୍କ ପ୍ରେସମିଟ୍ ଉପରେ ପ୍ରତିକ୍ରିୟା ରଖିଲା ବିଜେଡି, କହିଲା କେନ୍ଦ୍ରୀୟ ସହାୟତା ଅଣ୍ଟିଲାନି…

1 min read

ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କରୋନା ମହାମାରୀରେ କେନ୍ଦ୍ର ସରକାରଙ୍କ ରାଜ୍ୟକୁ ଦେଇଥିବା ଆର୍ଥିକ ସହଯୋଗ ସମ୍ପର୍କରେ ଜଣାଇଛନ୍ତି । ପ୍ରେସ ମିଟ୍ କରି ସୂଚନା ଦେଇଛନ୍ତି ଯେ, କେନ୍ଦ୍ର ସରକାର ରାଜ୍ୟକୁ କୋଭିଡ୍ ମହାମାରୀ ବେଳେ ୨୨,୨୬୭.୬୬ କୋଟିର ପ୍ୟାକେଜ୍ ଦେଇଛନ୍ତି । ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ମୁଣ୍ଡ ପିଛା ୫ କେଜି ଚାଉଳ, ଯାହା ଦ୍ୱାରା ୩ କୋଟି ଓଡିଆ ଉପକୃତ ହୋଇଛନ୍ତି ।

ସେହିଭଳି ଜନଧନ ଆକାଉଣ୍ଟଧାରୀଙ୍କ ପାଇଁ ୧୫ ଶହ ଟଙ୍କାର ବ୍ୟବସ୍ଥା କରାଯାଇଛି । ଏହି ବାବଦକୁ ଓଡିଶା ପାଇଁ ମୋଟ୍ ୧୨ ଶହ ୫୮ କୋଟି ଟଙ୍କା ଖର୍ଚ୍ଚ ହୋଇଥିବା ବେଳେ ପ୍ରାୟ ୮୫ ଲକ୍ଷ ଲୋକେ ଉପକୃତ ହୋଇଛନ୍ତି ।  ପ୍ରଧାନମନ୍ତ୍ରୀ କିଷାନ ଯୋଜନାରେ ରାଜ୍ୟର ୨୦ ଲକ୍ଷରୁ ଊର୍ଦ୍ଧ୍ୱ ହିତାଧିକାରୀଙ୍କୁ ୨ ହଜାର ଟଙ୍କା ଲେଖାଏଁ ମିଳିଛି । ଏହି ବାବଦକୁ କେନ୍ଦ୍ର ସରକାର ୪ ଶହ କୋଟିରୁ ଊର୍ଦ୍ଧ୍ୱ ଟଙ୍କା ବ୍ୟୟ ହୋଇଛି ।  ସେହିଭଳି ୨୦୧୯-୨୦ ଆର୍ଥିକ ବର୍ଷ ପାଇଁ ଓଡ଼ିଶାକୁ ଜିଏସ୍‌ଟି କ୍ଷତିପୂରଣ ବାବଦରେ ୫ ହଜାର ୧୨୨ କୋଟି ଟଙ୍କା ପ୍ରଦାନ କରାଯାଇଥିବା ଧର୍ମେନ୍ଦ୍ର ସୂଚନା ଦେଇଛନ୍ତି ।

ତେବେ ଧର୍ମେନ୍ଦ୍ର ପ୍ରଧାନଙ୍କ ଏହି ପ୍ରେସମିଟ ପରେ ବିଜେଡି ପକ୍ଷରୁ ପ୍ରତିକ୍ରିୟା ଆସିଛି । ସଂଘୀୟ ବ୍ୟବସ୍ଥାରେ ରାଜ୍ୟକୁ କେନ୍ଦ୍ର ସହାୟତା କରିବା ନୂଆକଥା ନୁହେଁ । ହେଲେ ରାଜ୍ୟକୁ ଆବଶ୍ୟକ ପରିମାଣର ଅର୍ଥ ମିଳିନାହିଁ ସହାୟତା ନେଇ ବିଜେପି ନେତା ରାଜନୀତି କରିବା ଉଚିତ ନୁହେଁ ବୋଲି ମନ୍ତ୍ରୀ ପ୍ରତାପ ଜେନା କହିଛନ୍ତି । ସେପଟେ ଧର୍ମେନ୍ଦ୍ରଙ୍କୁ କିଏ  ହିସାବ ମାଗିଲା ବୋଲି ପ୍ରଶ୍ନ କରିଛନ୍ତି  ବିଜେଡି ବିଧାୟିକା ପ୍ରମିଳା ମଲ୍ଲିକ  । ଖାଲି  ଦଳର ପ୍ରଚାର ଛଡା ଧର୍ମେନ୍ଦ୍ର  କେବେ ଲୋକଙ୍କ କାମ କରିଛନ୍ତି କି ବୋଲି ପ୍ରଶ୍ନ କରିଛନ୍ତି ପ୍ରମିଳା  । ଲୋକଙ୍କ ହିତ ତାଙ୍କର  ଉଦେଶ୍ୟ  ନୁହେଁ ବୋଲି ପ୍ରମିଳା କହିଛନ୍ତି ।

Leave a Reply