ଗଣତନ୍ତ୍ର ଦିବସରେ ଚାଷୀଙ୍କୁ ନେଇ ତିନି ଦଳର ରାଜନୀତି, ପରସ୍ପରକୁ ଦୋଷ ଲଦିଲେ

Politics

ଭୁବନେଶ୍ୱର: ଗଣତନ୍ତ୍ର ଦିବସରେ ଚାଷୀ ରାଜନୀତି । ରାଜ୍ୟର ୩ ପ୍ରମୁଖ ରାଜନୈତିକ ଦଳ ଚାଷୀ ପ୍ରସଙ୍ଗରେ ଦେଲେ ପ୍ରତିକ୍ରିୟା । ଚାଷୀଙ୍କ ଟ୍ରାକ୍ଟର ରାଲିକୁ ନେଇ ମତ ରଖିଲେ ବିଜେଡି ସାଧାରଣ ସଂପାଦକ ସଞ୍ଜୟ ଦାସବର୍ମା । ସେ କହିଲେ ଭାରତ ବର୍ଷର ଚାଷୀମାନଙ୍କ ପାଇଁ ରାଜ୍ୟ ତଥା ଦେଶ ସମୃଦ୍ଧ ହୋଇଛି । କୃଷକ ମାନଙ୍କୁ ଛାଡି ଦେଶର ବିକାଶ ଚିନ୍ତା କରାଯାଇ ପାରିବ ନାହିଁ । ସେମାନେ ଜାତିର ଅନ୍ନଦାତା । ଏହି ପବିତ୍ର ଦିବସରେ ଅନ୍ନଦାତାଙ୍କର ବହୁ ଦିନର ଦାବିକୁ ସରକାର ସହୃଦୟତାର ସହ ଗ୍ରହଣ କରିବା ସହ ଏକ ଉଚ୍ଚ ପରମ୍ପରା ସୃଷ୍ଟି କରିବେ ବୋଲି ସଞ୍ଜୟ ଦାସବର୍ମା କହିଛନ୍ତି ।

ଅନ୍ୟପଟେ ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ତିନୋଟି କୃଷି ବିଲ୍ ମୁଷ୍ଟିମେୟ ଓ ପୁଞ୍ଜିପତିମାନଙ୍କର ସ୍ୱାର୍ଥରେ ପ୍ରସ୍ତୁତ କରାଯାଇଛି । ତେଣୁ ଏହା ଠିକ୍ ନୁହେଁ । ଏହି ବିଲ୍ କର୍ପୋରେଟ ସଂସ୍ଥା ମାନଙ୍କ ସ୍ୱାର୍ଥ ପାଇଁ କରାଯାଇଛି, ନାଁ କି ଚାଷୀଙ୍କ ସ୍ୱାର୍ଥ ଉଦେଶ୍ୟରେ । ତେଣୁ ସରକାର ଏହା ବୁଝିବା ଦରକାର ବୋଲି କହିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।

ଅନ୍ୟପଟେ ଚାଷୀଙ୍କୁ ନେଇ ଡବଲ ଷ୍ଟାଣ୍ଡାର୍ଡ ନୀତି ଆପଣାଉଥିବା ବିଜେପି ନିଜ ଭୂଲକୁ ଲୁଚାଇବାକୁ ଚେଷ୍ଟା କରି ରାଜ୍ୟ ସରକାରଙ୍କୁ ଟାର୍ଗେଟ କରୁଛି । ରାଜ୍ୟ ସଭାପତି ସମୀର ମହାନ୍ତି, ଚାଷୀ ପ୍ରସଙ୍ଗରେ ରାଜ୍ୟ ସରକାରଙ୍କୁ ଦାୟୀ କରିବା ସହ ଚାଷୀଙ୍କ ଦୁଃଖ ବୁଝନ୍ତୁ ବୋଲି ଅନୁରୋଧ କରିଛନ୍ତି । ସେ କହିଛନ୍ତି ମଣ୍ଡିରେ ନୂଆ ଧାନ ପଡ଼ି ରହିଛି । ସରକାର ଏଥିପ୍ରତି ଦୃଷ୍ଟି ଦିଅନ୍ତୁ ।

Leave a Reply