Budget 2021: ରାଷ୍ଟ୍ରପତିଙ୍କ ଅଭିଭାଷଣକୁ ପ୍ରତ୍ୟାଖ୍ୟାନ କରିବନି ବିଜେଡି, ଗୃହରେ ରହି ପ୍ରସଙ୍ଗ ଉଠାଇବ
1 min read
ନୂଆଦିଲ୍ଲୀ: ଆସନ୍ତାକାଲିଠୁ ଆରମ୍ଭ ହେବ ସଂସଦର ବଜେଟ୍ ଅଧିବେଶନ । ୩ କୃଷି ବିଲକୁ ନେଇ ଦେଶର ତମାମ୍ ବିରୋଧୀ ଦଳ ଏକଜୁଟ୍ ହୋଇ ରାଷ୍ଟ୍ରପତିଙ୍କ ଅଭିଭାଷଣ ବେଳେ ଉପସ୍ଥିତ ରହିବେ ନାହିଁ ବୋଲି ନିଷ୍ପତ୍ତି ନେଇଛନ୍ତି । କଂଗ୍ରେସ, ଆପ୍ ସହ ପ୍ରାୟ ୧୬ଟି ଦଳର ସଦସ୍ୟ ସଦନର ଉଭୟ ଗୃହରେ ଉପସ୍ଥିତ ରହିବେ ନାହିଁ । ଏ ପ୍ରସଙ୍ଗରେ ବିଜେଡି ତାର ଆଭିମୁଖ୍ୟ ସ୍ପଷ୍ଟ କରିଛି ।
ରାଜ୍ୟସଭା ସାଂସଦ ତଥା ମୁଖ୍ୟ ସଚେତକ ଡକ୍ଟର ସସ୍ମିତ ପାତ୍ର ପ୍ରତିକ୍ରିୟା ରଖିଛନ୍ତି । ବିଜୁ ଜନତା ଦଳ ଆସନ୍ତାକାଲି ରାଷ୍ଟ୍ରପତିଙ୍କ ଅଭିଭାଷଣକୁ ପ୍ରତ୍ୟାଖ୍ୟାନ କରିବ ନାହିଁ । ଦଳର ସମସ୍ତ ସାଂସଦ ସଂସଦର ଉଭୟ ଗୃହ ଲୋକସଭା ଓ ରାଜ୍ୟସଭାରେ ଉପସ୍ଥିତ ରହିବେ । ଲୋକଙ୍କ ସମସ୍ତ ସମସ୍ୟା ଓ ପ୍ରସଙ୍ଗକୁ ଦଳର ସଦସ୍ୟ ସଂସଦର ଉଭୟ ଗୃହରେ ଉପସ୍ଥାପନ କରିବେ ବୋଲି ବିଜେଡି ସାଂସଦ ସସ୍ମିତ ପାତ୍ର କହିଛନ୍ତି ।
କଂଗ୍ରେସ, ନ୍ୟାସନାଲ୍ କନଫ୍ରେନ୍ସ (ଏନସି), ଡିଏମକେ, ତୃଣମୂଳ କଂଗ୍ରେସ୍ (ଟିଏମସି), ଶିବସେନା, ସମାଜବାଦୀ ପାର୍ଟି, ଆରଜେଡି, ସିପିଆଇ (ଏମ୍), ଆଇଜେଏମଏଲ୍, ଆରସିପି, ପିଡିପି, ଏମଡିଏମକେ, କେରଳ କଂଗ୍ରେସ, ଏଆଇୟୁଡିଏଫ୍, ଅକାଳୀ ଦଳ, ଆମ୍ ଆଦମୀ ପାର୍ଟି (ଆପ୍), ରାଷ୍ଟ୍ରବାଦୀ କଂଗ୍ରେସ୍ ପାର୍ଟି (ଏନସିପି) ବୈଠକରୁ ବିରତ ରହିବେ ବୋଲି ଘୋଷଣା କରିଛନ୍ତି ।
ଏଥସହ ପଢ଼ନ୍ତୁ- ବଜେଟ୍ ଅଧିବେଶନ: ରାଷ୍ଟ୍ରପତିଙ୍କ ଅଭିଭାଷଣକୁ ବହିଷ୍କାର କରିବେ କଂଗ୍ରେସ ସମେତ ଏହିସବୁ ଦଳ
