ଅପ୍ରେଲ ୯ରୁ ଆରମ୍ଭ ହେବ ଚଳିତ ବର୍ଷର ଆଇପିଏଲ୍ ସଂସ୍କରଣ
1 min read
ମୁମ୍ୱାଇ: ଇଣ୍ଡିଆନ୍ ପ୍ରିମିୟର୍ ଲିଗ୍ (ଆଇପିଏଲ୍)ର ଚଳିତ ବର୍ଷର ସଂସ୍କାରଣ ଆସନ୍ତା ଅପ୍ରେଲ ୯ ତାରିଖରୁ ଆରମ୍ଭ ହେବ । ଚଳିତ ସିଜିନର ପ୍ରଥମ ମ୍ୟାଚ୍ ଚେନ୍ନାଇରେ ଖେଳାଯିବାକୁ ଥିବା ବେଳେ ମୁମ୍ୱାଇ ଇଣ୍ଡିଆନ୍ସ-ରୟାଲ ଚାଲେଞ୍ଜରସ୍ ବେଙ୍ଗାଲୁରୁ ମଧ୍ୟରେ ଖେଳାଯିବ । ତେବେ ନିକଟରେ ଉଦ୍ଘାଟିତ ହୋଇଥିବା ଅହମ୍ମଦାବାର ନରେନ୍ଦ୍ର ମୋଦି ଷ୍ଟାଡିୟମ୍ରେ ପ୍ଳେ-ଅଫ୍ ଓ ଫାଇନାଲ୍ ମ୍ୟାଚ୍ ଖେଳାଯିବ ।
🚨 BCCI announces schedule for VIVO IPL 2021 🚨
The season will kickstart on 9th April in Chennai and the final will take place on May 30th at the Narendra Modi Stadium, Ahmedabad.
More details here – https://t.co/yKxJujGGcD #VIVOIPL pic.twitter.com/qfaKS6prAJ
— IndianPremierLeague (@IPL) March 7, 2021
ପାଖାପାଖି ୨ ବର୍ଷ ପରେ ଭାରତକୁ ଆଇପିଏଲ୍ ରୋମାଞ୍ଚ ଫେରୁଥିବା ବେଳେ ଅହମ୍ମଦାବାଦ, ବେଙ୍ଗାଲୁରୁ, ଚେନ୍ନାଇ, ଦିିଲ୍ଲୀ, ମୁମ୍ୱାଇ ଏବଂ କୋଲକାତାରେ ମ୍ୟାଚ୍ ଖେଳାଯିବ । ଅପ୍ରେଲ ୯ରେ ଆଇପିଏଲ୍ର ପ୍ରଥମ ମ୍ୟାଚ୍ ଖେଳାଯିବାକୁ ଥିବା ବେଳେ ୩୦ ମେ’ରେ ଫାଇନାଲ ମ୍ୟାଚ୍ ଖେଳାଯିବ । ଲିଗ୍ ପର୍ଯ୍ୟାୟରେ ମୋଟ ୫୬ ମ୍ୟାଚ୍ ଖେଳାଯିବାକୁ ଥିବା ବେଳେ ଚେନ୍ନାଇ, ମୁମ୍ୱାଇ, କୋଲକାତା ଏବଂ ବେଙ୍ଗାଲୁରୁରେ ୪୦ଟି ମ୍ୟାଚ୍ ଖେଳାଯିବ । ଏହି ୪ଟି ଷ୍ଟାଡିୟମ୍ରେ ୧ ୦ଟି ଲେଖାଏଁ ମ୍ୟାଚ୍ ଖେଳାଯିବକୁ ଥିବା ବେଳେ ଅନ୍ୟ ୨ଟି ଷ୍ଟାଡିୟମ୍ ଦିଲ୍ଲୀ ଏବଂ ଅହମ୍ମଦାବାଦରେ ୮ଟି ଲେଖାଏଁ ମ୍ୟାଚ୍ ଖେଳାଯିବ । ତେବେ ସବୁଠାରୁ ରୋଚକା କଥା ହେଉଛି କୌଣସି ଦଳ ସେମାନଙ୍କ ହୋମ୍ ଗ୍ରାଉଣ୍ଡରେ ଖେଳିବା ନେଇ ଲିଗ୍ ପର୍ଯ୍ୟାୟରେ ସୁଯୋଗ ପାଇବେ ନାହିଁ ।
ଚଳିତ ସିଜିନ୍ରେ ମୋଟ ୧୧ଟି ଡବଲ ହେଡର ମ୍ୟାଚ୍ ଖେଳାଯିବାକୁ ଥିବା ବେଳେ ୬ଟିମ୍ ୩ଟି ଅପରାହ୍ଣ ମ୍ୟାଚ୍ ଖେଳିବାକୁ ଥିବା ବେଳେ ୨ଟି ଟିମ୍ ଅପରାହ୍ଣ ମ୍ୟାଚ୍ ଖେଳିବେ । ଅପରାହ୍ଣ ମ୍ୟାଚ୍ ୩.୩୦ରୁ ଆରମ୍ଭ ହେବା ଓ ସନ୍ଧ୍ୟା ମ୍ୟାଚ୍ ଗୁଡ଼ିକ ୭.୩୦ ମିନିଟରେ ଆରମ୍ଭ ହେବ । ଗତବର୍ଷ କରୋନା କଟକଣା ମଧ୍ୟରେ ସଫଳତାର ସହ ଆଇପିଏଲ୍ ଆୟୋଜନ ପରେ ଚଳିତ ବର୍ଷ ଭାରତରେ କଡ଼ା ସ୍ୱାସ୍ଥ୍ୟ ସୁରକ୍ଷା ମଧ୍ୟରେ ଆଇପିଏଲ୍ ଆୟୋଜନ ନେଇ ଆଶାବଦୀ ବିସିସିଆଇ ।
ତେବେ ଚଳିତ ସିଜିନରେ ସଂକ୍ରମଣର ଆଶଙ୍କା ଏଡ଼ାଇବାକୁ ଆଇପିଏଲ୍ ପକ୍ଷରୁ ଯଥେଷ୍ଟ ବିଶେଷ ପଦକ୍ଷେପ ନିଆଯାଇଛି । ଲିଗ୍ ପର୍ଯ୍ୟାୟରେ ଦଳ ମାତ୍ର ୩ ଥର ପାଇଁ ବିମାନ ଯାତ୍ରା କରିବାକୁ ପଡ଼ିବ । ଫଳରେ ସଂକ୍ରମଣର ଆଶଙ୍କାକୁ କମ୍ କରାଯାଇପାରିବ ।
