ନକଲି ପୋଲିସକୁ ଧରିଲା ଅସଲି ପୋଲିସ

ବାଲିଗୁଡ଼ା: ରାତ୍ରୀକାଳୀନ ପାଟ୍ରୋଲିଂ ବେଳେ କନ୍ଧମାଳ ଜିଲ୍ଲା ବାଲିଗୁଡ଼ା ପୋଲିସକୁ ସଫଳତା ମିଳିଛି । ବାଲିଗୁଡ଼ା ପୋଲିସ ୨ ଜଣ ନକଲି ପୋଲିସକୁ ଗିରଫ କରିଥିବା ବେଳେ ଗ୍ୟାଙ୍ଗର ଅନ୍ୟ ୩ ଜଣ ଫେରାର୍ ହୋଇ ଯାଇଛନ୍ତି । ଶୁକ୍ରବାର ବିଳମ୍ବିତ ରାତିରେ ବାଲିଗୁଡ଼ା ପୋଲିସ ପାଟ୍ରୋଲିଂ ବେଳେ ଖଡ଼ଗନଦୀ ପୋଲ ନିକଟରୁ ୨ ଜଣ ନକଲି ପୋଲିସକୁ ଗିରଫ କରିଛି ।

ପ୍ରାୟ ୫ ଜଣ ପୋଲିସ ବେଶରେ ଥାଇ ବଡ଼ ଧରଣର ଡକାୟତି ଉଦ୍ୟମ କରୁଥିଲେ । ପୋଲିସ ଡକାୟତି ଉଦ୍ୟମ ମଣ୍ଡ କରିବା ସହ ୨ ଜଣଙ୍କୁ ଗିରଫ କରିଛି । ଅଭିଯୁକ୍ତଙ୍କ ଠାରୁ ଗୋଟିଏ ମାରୁତି ସୁଇଫ୍ଟ ଡିଜାଏର କାର୍ ସମେତ ଲୁହା ରଡ୍, ବେତ ଲାଠି, ଦୁଇହଳ ପୋଲିସ୍ ଡ୍ରେସ୍, ଖେଳଣା ପିସ୍ତଲ୍ ଓ ୭ଟି ପୋଲିସ୍ ଟୋପି ଜବତ କରାଯାଇଛି । ଗିରଫ ଗିରଫ ଦୁଇଜଣ କଟକ ଜିଲ୍ଲା ଚଣ୍ଡୀ ଛକ ଓ କନିକା ଛକ ଅଞ୍ଚଳର ହୋଇଥିବା ସୂଚନା ମିଳିଛି ।