ଉପନିର୍ବାଚନ ପୂର୍ବରୁ ବାଲେଶ୍ୱର ଓ ତିର୍ତ୍ତୋଲରେ ବଢୁଛି ବିଜେଡିର ବଳ

Balasore And Tirtol By Election, BJP And Congress Workers Joins In BJD

ବାଲେଶ୍ୱର/ଜଗତସିଂହପୁର: ଉପନିର୍ବାଚନ ପୂର୍ବରୁ ବଢୁଛି ବିଜେଡିର ଶକ୍ତି । ବାଲେଶ୍ୱର ଓ ତିର୍ତ୍ତୋଲରେ ବିଜେଡିରେ ଯୋଗଦେଲେ ଶତାଧିକ ବିଜେପି ଓ କଂଗ୍ରେସ କର୍ମୀ । ଅରୁଣ ଦେଙ୍କ ପରେ ବାଲେଶ୍ୱରରେ ତୃଣମୂଳସ୍ତରର ଅନେକ ବିଜେପି ଓ କଂଗ୍ରେସ ନେତା ଏବଂ କର୍ମୀ ବିଜେଡିରେ ସାମିଲ ହୋଇଛନ୍ତି । ସେପଟେ ତିର୍ତ୍ତୋଲରେ ଶଙ୍ଖ ଧରିଛନ୍ତି ୫୦ରୁ ଅଧିକ କଂଗ୍ରେସ କର୍ମୀ ।

Balasore And Tirtol By Election, BJP And Congress Workers Joins In BJD

ବାଲେଶ୍ୱରରେ ବଢୁଛି ବିଜେଡି ବଳ । ଉପନିର୍ବାଚନ ପୂର୍ବରୁ ଶଙ୍ଖ ଧରିଲେ ବିଜେପି ଓ କଂଗ୍ରେସ କର୍ମୀ । ବିରୋଧୀଙ୍କୁ ମାତ୍ ଦେବା ପାଇଁ ବିଜେଡିର ବିଜୟ ରଣନୀତି । ଆଉ ଦିନ କେଇଟା ପରେ ବାଲେଶ୍ୱର ସଦର ଉପନିର୍ବାଚନ । ତା’ ପୂର୍ବରୁ ସଂଖ୍ୟାଲଘୁ ସମ୍ପ୍ରଦାୟର ଜଣାଶୁଣା ନେତା ଓ ପୂର୍ବତନ କାଉନସିଲର ବିଜେଡିରେ ଯୋଗଦେଇଛନ୍ତି । ଏଥିସହ ସାମିଲ ହୋଇଛନ୍ତି ୧୪ଟି ୱାର୍ଡର ଶତାଧିକ ବିଜେପି ଓ କଂଗ୍ରେସ କର୍ମୀ । ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ସେମାନେ ଦଳରେ ମିଶିଛନ୍ତି । ପୂର୍ବରୁ ଅରୁଣ ଦେ ବିଜେଡିରେ ଯୋଗଦେଇଥିବା ବେଳେ ଏହି ମିଶ୍ରଣ ପର୍ବ ଦଳକୁ ଆହୁରି ସଶକ୍ତ କରିବ ବୋଲି ଦଳୀୟ ନେତା କହିଛନ୍ତି ।

Balasore And Tirtol By Election, BJP And Congress Workers Joins In BJD

ସେହିପରି ତିର୍ତ୍ତୋଲରେ ବଢୁଛି ଉପନିର୍ବାଚନ ତାତି । ବଢୁଛି ବିଜେଡିର ଶକ୍ତି । ସୋରଡ଼ା ବିଧାୟକ ପୂର୍ଣ୍ଣଚନ୍ଦ୍ର ସ୍ୱାଇଁଙ୍କ ଉପସ୍ଥିତିରେ ମୂଳିସିଂହ ପଞ୍ଚାୟତରେ ଆୟୋଜିତ ମିଶ୍ରଣ ପର୍ବରେ ବିଜେଡିରେ ସାମିଲ ହୋଇଛନ୍ତି ୫୦ରୁ ଅଧିକ କଂଗ୍ରେସ କର୍ମୀ । ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଶାସନରେ ଅନୁପ୍ରାଣିତ ହୋଇ ହାତ ଛାଡ଼ି ଶଙ୍ଖ ଧରିଥିବା ସେମାନେ କହିଛନ୍ତି । ତିର୍ତ୍ତୋଲ ବିଧାନସଭା ଆସନ ଉପନିର୍ବାଚନରେ ବିଜେଡିର ଭୋଟ୍ ହାର ଆହୁରି ବଢିବ ବୋଲି ଆଶା ପ୍ରକାଶ କରିଛନ୍ତି ।

Leave a Reply