ଅପରେସନ ଏଲିଫ୍ୟାଣ୍ଟ ସଫଳ, ୨ ଘଣ୍ଟାର ସଂଘର୍ଷ ପରେ ଉଦ୍ଧାର ହେଲେ ହାତୀ ଛୁଆ

କେନ୍ଦୁଝର: ଚମ୍ପୁଆ ରେଞ୍ଜ କାନପୁର ଡ୍ୟାମ ଶାଖା କେନାଲକୁ ଖସିପଡ଼ିଥିବା ୨ ହାତୀ ଶାବକ ଉଦ୍ଧାର । ୨ ଘଣ୍ଟାର ରେସକ୍ୟୁ ଅପରେସନ ପରେ ୨ ହାତୀ ଛୁଆଙ୍କୁ ଉଦ୍ଧାର କରିଛି ବନବିଭାଗ ।

ଗତକାଲି ବିଳମ୍ବିତ ରାତିରେ ୨୨ଟିକିଆ ହାତୀପଲ ଜାମୁଦଲକ ପେଟ୍ରୋଲ ପମ୍ପ୍ ପଛପଟ ରାସ୍ତାରେ ଯାଉଥିବା ବେଳେ ୨ ହାତୀ ଛୁଆ କେନାଲ ଭିତରକୁ ଖସିପଡ଼ିଥିଲେ । ଅନ୍ୟ ହାତୀ ମାନେ ଜାଗା ଛାଡ଼ି ଚାଲିଯାଇଥିବା ବେଳେ ୩ ମାଈ ହାତୀ ଶାବକ ଦ୍ୱୟଙ୍କ ଜଗି ରହିଥିଲେ । ଏନେଇ ସ୍ଥାନୀୟ ଲୋକେ ବନବିଭାଗକୁ ଖବର ଦେବା ପରେ ଜେସିବି ସାହାଯ୍ୟରେ ହାତୀ ଛୁଆକୁ ଉଦ୍ଧାର କରାଯାଇଛି ।

ଅନ୍ୟପଟେ ଓଡ଼ିଶା ସୀମାନ୍ତରେ ହାତୀ ଆତଙ୍କ ଦେଖିବାକୁ ମିଳିଛି । ଛତିଶଗଡ଼ ଧାମତରୀରୁ ଓଡ଼ିଶାକୁ ସଂଯୋଗ କରୁଥିବା ରାସ୍ତା ଉପରେ ଆତଙ୍କ ଖେଳାଉଛନ୍ତି ହାତୀପଲ । ଖାସ କରି ଭୋର ସମୟ ଏବଂ ସଂଧ୍ୟା ହେଲେ ହାତୀଙ୍କ ଉପଦ୍ରବ ଦେଖିବାକୁ ମିଳୁଛି । ଫଳରେ ସେହି ରାସ୍ତାରେ ଯାତାୟାତ କରିବାରୁ ଲୋକେ ଭୟ କରୁଛନ୍ତି । ସେହିପରି ସ୍ଥାନୀୟ ଅଞ୍ଚଳରେ ହାତୀଙ୍କ ଚଳପ୍ରଚଳ ଥିବାରୁ ଲୋକ ମଧ୍ୟ ଆତଙ୍କିତ ଅବସ୍ଥାରେ ଅଛନ୍ତି ।

Leave a Reply